Giffers
From Wikipedia, the free encyclopedia
Güfersch (Ussprooch: 
[ˈg̊ʏv̥əʁʃ](info); hochdütsch: Giffers, französisch: Chevrilles, Patois ) isch e Gmiin im Oberland vum Sensebezirk im Kanton Fryburg. Güfersch het 1389 Ywohner (Stand vo 2008) ù isch eppa 6 km va de Stadt Fryburg awäg.
| Güfersch | |
|---|---|
 | |
| Basisdate | |
| Staat: | Schwiiz |
| Kanton: | Friburg (FR) |
| Bezirk: | Sense |
| BFS-Nr.: | 2294 |
| Poschtleitzahl: | 1735 |
| Koordinate: | 582555 / 178938 |
| Höchi: | 767 m ü. M. |
| Flächi: | 5.22 km² |
| Iiwohner: | 1710 (31. Dezämber 2022)[1] |
| Website: | www.giffers.ch |
 Dorfzentrum von Giffers | |
| Charte | |
 | |
Güfersch ligt ùf 767 m ü. M. a de Ärgera. Va de Gmiinflechi si 65,9 % landwirtschaftlichi Flechi, 19,7 % Waud, 11,9 % Sidligsflechi ù 2,5 % schüschtigi Flechi.[2] Nachpuurgmiine va Güfersch si Tentlinge, Santifaschtùs, Plassäub, Plaffeien ù Rächthaute.
De Name vam Ort isch z erschte Mau im Jahr 1150 ùs Chiuriles belììt, un chunt vum Romanische Wort Caprilia, wo „Gììssstau“ bedütet. 1301 isch de Name Guifrils belììt, un 1577 schliesslich Giffers. Sit 1630 isch Güfersch a igeti Pfarrei gsi, wo zum Burgpanner vo de Alte Landschaft vo de Stadt Fryburg kört het.
Güfersch isch a traditionell katholischi Gmiin. Zäme mit Tentlinge isch es a igeti Pfarrei, d Pfarrchüucha isch z Güfersch. Di Reformiirte, wo sit de Mitti vom 19. Jahrhundert bsunders vo Bärn zuegwanderet si, si Mitglider vo de reformiirte Chüuchegmiin Wissestì/Rächthaute.
Quela: Bundesamt für Statistik 2005[3]
| Jaar | 1850 | 1860 | 1870 | 1880 | 1888 | 1900 | 1910 | 1920 |
| Yywoner | 470 | 579 | 659 | 705 | 749 | 683 | 661 | 650 |
| Jaar | 1930 | 1941 | 1950 | 1960 | 1970 | 1980 | 1990 | 2000 |
| Yywoner | 690 | 768 | 770 | 812 | 1084 | 1185 | 1363 | 1393 |
De Uusländeraatüu isch 2010 bi 5,1 % gläge.[2]
83,3 % va de Yywoner si im Jaar 2000 römisch-katholisch gsii, 9,5 % evangelisch-reformiert.[2]
Güfersch isch früüer vo de Landwirtschaft prägt gsi. Allerdings tüe hüt di meischte Lüt zum schaffe ì d Stadt ù Agglomeration Fryburg pendle. Einersits hii sich z Güfersch Arbìtsplätz vor Ort erhaute, ù so isch de Ort nit numme a Pendlergmiin. Im 1. Sektor schaffe 28%, im 2. Sektor 25% ù im tertiäre Sektor 47% vo de Ywohner.
Bim Vereinswäse ù de Kultur büude Güfersch ù d Nachpùùrgmiin Tentlinge a Ihìt; d Verìne si ì beide Gmiine aktiv.
Bi de Vouchszelig 2000 hii va de 1393 Yywoner 92 % Tüütsch aus Hùùptspraach aaggää, 6,8 % Franzöösisch ù 1,2 % anderi Spraache.[2] D Mundart vo Güfersch kört zum Seislerdütsche, wo zum Höjstalemannische zeut chunt. Güfersch isch a Uffnaameort im Spraachatlas vo de dütschi Schwiiz gsi.
- www.giffers.ch
- Jean-François Steiert: Giffers In: Historisches Lexikon vo dr Schwiiz.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
