Friedrich-Wilhelm von Herrmann
e dytsche Philosoph From Wikipedia, the free encyclopedia
e dytsche Philosoph From Wikipedia, the free encyclopedia
Dr Friedrich-Wilhelm von Herrmann (* 8. Oktober 1934 z Potsdam; † 2. Augschte 2022 z Fryburg) isch e dytsche Philosoph gsii.
Dr von Hermann isch z Potsdam un z Berlin uf d Schuel gange un het no Philosophi, Germanischtik un Gschichte an dr Freie Uniwersitet Berlin studiert. Anne 1957 isch er an d Uniwersitet Fryburg gwägslet, wun er 1961 bim Eugen Fink mit ere Arbet iber Die Selbstinterpretation Martin Heideggers promowiert woren isch. No syre Promozion het er vu 1961 bis 1970 as Wisseschaftlige Assischtänt vum Eugen Fink an dr Uniwersitet Fryburg gschafft. Anne 1970 het er si z Fryburg mit ere Arbet iber Phänomenologische Untersuchungen zur Temporalität des Seinsverständnisses habilitiert. Dr von Herrmann isch Privatassischtänt bim Martin Heidegger gsii vu 1972 bis zue sällem sym Dod 1976. Im nämlige Johr isch er zum usseplanmäßige Profässer ernännt wore. 1979 het er e ordeligi Profässur an dr Uniwersitet Fryburg iberchuu. Syter anne 1999 isch dr Friedrich-Wilhelm von Herrmann emeritiert gsii.
Dr Friedrich-Wilhelm von Herrmann isch no Aagabe vu syre Wittfrau, dr Veronika von Herrmann (geb. Müeller-Osthaus), im Alter vu 87 Johr in ere Klinik z Fryburg an dr Folge vun eme Härzinfarkt gstorbe.[1]
In syre wisseschaftlige Arbet het si dr Friedrich-Wilhelm von Herrmann mit grundlegende Probläm vu dr Hermeneutik un dr Phänomenologi bscheftigt. Sy Dänke isch unter starkem Yyfluss vum Martin Heidegger gstande, dr von Hermann het no dr Gsamtuusgab vum Heidegger im Verlag Vittorio Klostermann wisseschaftli gluegt. In syne Schrifte het si dr von Herrmann bsundersch mit verschidene Theme un Grundfroge vu dr Wärch vum Edmund Husserl un em Martin Heidegger ussenandergsetzt.
Zue syne Schueler*ne het d Philosophi Paola-Ludovika Coriando.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.