Flüssigkeitsraketentriebwerk

Flüssigkäitsrageetedribwärk si Reakzionsaadriib, wo hüte vor allem in dr Ruumfaart iigsetzt wärde.

En "Atlas V"-Flüssigkäitsrageete zum Mars mit ere Nutzlast

Im Gegesatz zu Feststoffaadriib, wo im Brennruum mvon ene e fertigs Gmisch in festem Zuestand vo Brennstoff und Oxidator abbrennt, wärde bi Flüssigkäitsrageete äi flüssige chemische Brennstoff (Monergol) oder meereri flüssigi chemischi Komponänte in drennte Tank (Diergole, Triergole) mitgfüert und in s äigetlige Driibwärk iigspiist. Dört chunnt s zun ere kontinuierlige chemische Reakzioon (die katalytischi Zersetzig vom ene Monergol oder d Verbrennig vo Brennstoff und Oxidator. Drbii entstöön häissi Gaasmasse, wo s Woluume von ene stark zuenimmt und wo denn as Stützmasse us ere Düse useströöme und eso Schub in d imkeerte Richdig erzüüge. Wil dr Oxidator in dr Rageete mitgfüert wird, cha dr Dribstoff immer verbrenne au wenn s kä atmosfäärische Suurstoff git, wie z. B. in dr Hoochatmosfääre oder im Wältall. Bi diergole Flüssigkäitsrageete wärde dr Brennstoff und dr Oxidator erst in dr Brennchammere vermischt. Bis dört fliesse si dur drennti Läitigssüsteem.

Tüpischi Kenngröössene vo sonige Rageetedriibwärk si dr Schub (die äigetligi Aadriibschraft, wo mäistens in kN aagee wird und vilmol wird no zwüschen em Boode- oder Startschub und em Vakuumschub underschiide, und dr spezifischi Impuls as Kennzaal vo wie effektiv s Driibwärk unabhängig vo sinere Gröössi isch.

Weblingg

• Rocketlab: How to Design, Build and test small Liquid-Fuel Rocket Engines, onläin-Buech vo ROCKETLAB, China Lake, USA us 1967

Dä Artikel basiert uff ere fräie Übersetzig vum Artikel „Flüssigkeitsraketentriebwerk“ vu de dütsche Wikipedia. E Liste vu de Autore un Versione isch do z finde.