Fanel
es Naturschutzpiet i de Kantön Bärn und Nöieburg From Wikipedia, the free encyclopedia
es Naturschutzpiet i de Kantön Bärn und Nöieburg From Wikipedia, the free encyclopedia
S Fanel isch es Naturschutzpiet i de Kantöön Bärn und Nöieburg. Der gröscht Deil vom Areal isch ufem Bode vo de Bärner Gmeinde Ins und Gampele.
S Piet lyt am Nöieburgersee und es goot vom Ändi vom Broyekanal bis zum Afang vom Zylkanal. Bi de Mündig vom Broyekanal in See ghört no e chliises Stückli vom Fanel zu de Nöieburger Gmeind La Tène. Ännet em Kanal sind d Piet vo de Kantöön Waadt und Friburg. Im Oschte vom Naturschutzpiet isch s wyte flache Gebiet vom Grosse Moos.
Fanel isch ursprünglech der Ortsname vom Wyler Fanel gsi, wo früener, vo der Juragwässerkorrekzion, a der Broye glägen isch.
Scho i de 1920er Joore het me die Naturlandschaft mit em flache Wasser am Seeufer und em Auewald näbe der Broye ghüetet. S nöie Naturschutzpiet Fanel het d Regierig vom Kanton Bärn am 14. März 1967 ygrichtet. Es het d Flechi vo fasch föif Kwadratkilometer und es isch e fiöchti Landschaft, wo füre Naturschutz internazional wichtig isch und drum sid anne 1976 als RAMSAR-Schutzpiet giltet. Im Fanel läbe vil Wasservögel, und es chöme au all Joor vil Zugvögel us frömde Länder dörthi cho überwintere und brüete. D Dier sind i de grosse Schilfflechine zwüsche de Weier und bsunders uf de Inseli dussen im See und uf de künschtleche Plattforme vor Röiber zimli sicher.
D Vogelschutzorganisazioone säge, s Fanel sig eis vo de wichtigschte Naturschutzpiet vo der Schwiiz; me het dört öppe drüühundert Vogelarte beobachtet, und das chönt meh sy als i de andere Vogelreservaat. Es het uf all fäll die gröschte Bruetgruppe vom Kormoran, vom Alebock, vo der Middelmeermööfe und der Seeschwalbe.[1]
S Fanel ghört zu der Flachriet und de Auelandschaft vo nazionaler Bedüütig. Es isch der nördlechscht Deil vo der Uferlandschaft Grande Cariçaie und e Deil vom BLN-Objäkt Nr. 1208 "Rive Sud du Lac de Neuchatel" und es stoot im Bundesinfäntaar vo de Wasser- und Zugvögelreservaat vo internazionaler und nazionaler Bedüütig.
Me chan uf Fuesswääg dur s Schutzpiet am See laufe und vo de Uussichtstürm us d Landschaft und d Vögel aluege.
Noch bim Schutzpiet stoot ufem Bode vo Ins d Bärner Stroofastalt Witzwil; und bi Gampele isch hinder em gschützte Uferstreife der wyt Seewald, wo zu den Auewälder vo nazionaler Bdüütig zelt. Zwüschem Wald und em See lyt der kantonal Campingplatz Gampele-Nöieburgersee, wo 1955 bout worden isch und vom TCS gfüert wird und wo gmäss emene Guetachte vo der Äiggnössische Natur- und Heimetschutzkommission vo anne 2002 s Schutzpiet als Läbensruum vo vil Dier so schwäär stöört, ass er müess ufghobe wärde.[2] Aber äinewääg het d Bärner Regierig am 24. Oktober 2016 pschlosse, mit de Betryber vom Campingplatz Fanel, wo innerhalb vom grosse Naturschutzpiet stoot, au für d Zyt nach 2023 wider nöji Bourächts- und Mietverträg z mache.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.