From Wikipedia, the free encyclopedia
D Elisabeth Niederer (* 13. Mai 1960 z Züri) isch e Schwyzer Schauspiileri.
Iri schauspiilerisch Uusbildig het d Elisabeth Niederer vu 1979 bis 1983 an dr Hochschuel vu dr Chinscht z Berlin iberchuu. Syterhär het si an zaalryyche Biine z Dytschland, z Eeschtryych un dr Schwyz gshtiert, so am Bayerische Staatsschauspiel z Minche, bi dr Luisenburg-Festspiele z Wunsiedel, am Landestheater Coburg, am Stadttheater Khuur oder em Zürcher Projäkt Theater Vertigo. Bekannti Stuck, wu si mitgwiirkt het, sin unter anderem Der Menschenfeind no Molière, Leben des Galilei vum Bertolt Brecht, Wallenstein un Die Jungfrau von Orleans vum Friedrich Schiller oder em Georg Büchner sy Kumeedi Leonce und Lena. [1]
Dernääbe schafft d Elisabeth Niederer syt dr 1980er Joor au umfangryych fir Film un Fäärnsee. Im Kino hetmer si in verschiidnige Schwyzer Produkzioone chenne sääne, zem Byschpel in Aus heiterem Himmel, Usfahrt – Joy Ride, em 2005 fir dr Schwyzer Filmbryys nominierte Film Sternenberg oder 2019 as Mueter im Film Wir Eltern vu dr Ruth Schweikert un em Eric Bergkraut[2]. In ere Folg vu dr Weißblaue Geschichten het si anne 1983 zum eerschte Mool im Fäärnsee gspiilt, anderi Gaschtrolle het si in Seerine wie Heidi und Erni, Die Rosenheim-Cops, Vater wider Willen oder SOKO 5113 ghaa. Grooßi Populariteet z Dytschland het si zwische 2000 und 2002 dur iri Mitwiirkig in 51 Folge vu dr ZDF-Seerine Samt und Seide iberchuu. 1993 un 2014 isch si in zwoo Tatort-Folge z sääne gsii.
D Elisabeth Niederer läbt z Minche.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.