From Wikipedia, the free encyclopedia
Dr Eduard Presser (* 29. Juni 1842 z Riede; † 26.Jänner 1911 z Riede) isch e Hegauer Haimetdichter gsii. Sy Gedicht het er zum Dail uf Alemannisch gschribe, zum Dail uf Hochdytsch. E Dail vu syne Täxt sin vertont wore un ghere bis hite zum Repertoire vu Gsangverain im Hegau.
Drotz dr Empfählige vum Pfaarer un vum Schuellehrer vu Riede isch dr Eduard Presser Buur wore, wäge dr Blän vu sym Vater.[1] Mit 17 Johr het er dr Hoof vu Vater ibernuu. Ai Johr vorhär (1858) het het er mit syne "orts- und heimatchronikalischen Aufzeichnungen" aagfange. Vu 1875 bis 1910 isch dr Eduard Presser Rootsschryber vu sym Haimetort gsii. Zue syne Läbzyte het er 1894 Ländliche Gedichte aus dem Höhgau (52 Gedicht) und Ländliche Gedichte aus dem Hegau (65 Gedicht) vereffetligt. No sym Dood sin anne 1911 nomol 48 Gedicht uusechuu. En andere Dail vu sym schriftlige Nooloss isch im Spotjohr 1911 dur d Brunscht vum Presser-Huus verlore gange. Anne 1932 isch ihm z Ehre ne Dänkmol yygweit wore.[2]
Noch em Eduard Presser isch im Johr 2010 d Grundschuel in sym Geburtsort Riedheim gnännt wore.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
