ditsche Bolitiker From Wikipedia, the free encyclopedia
Dr Eberhard Matthias Walde (* 27. Merz 1949 z Leipzig; † 16. Dezämber 2011[1] z Salzwedel) isch e dytsche Bolitiker (Di Griene) gsii.
Dr Eberhard Walde isch z Leipzig uf d Wält chuu. Churz vor em Böu vu dr Muure isch er mit syre Familie uf Weschtdytschland gflichtet. No dr Schuel het dr Walde ne Uusbildig zum Automechaniker bi Opel absolviert.
Ändi 1970er Johr isch dr Walde Mitglid im Vorstand vum Bundesverband Burgerinitiative Umwältschutz (BBU). Anne 1980 het dr Walde zue dr Mitgrinder vu dr Bartei Di Griene ghert. Är het in dr Bartei zum links-alternative Späktrum zellt. Vu 1983 bis 1991 isch dr Walde Bundesgschäftsfierer vu dr Griene gsii.
Im Johr 1987 het sich gege di blant Volkszellig engaschiert. Wäg em Ufruef zum Abdränne vu dr Regischtriernummere uf dr Volkszelligsbege isch er zämme mit em Roland Appel vum Amtsgricht Bonn zue 50 Dagessätz wäge "Ufruef zur Sachbschedigung" verurdailt. In dr 2. Inschtanz isch anne 1988 s Urdail gege Zahlig vun ere Bueß ufghobe wore.[2]
Wu d Bartei bi dr Bundesdagswahl 1990 im Weschte an dr 5-Brozänt-Hurd gschyteret isch, het sich dr Walde im Friejohr 1991 us dr Bundesbolitik zruckzoge un schließlig us dr Bartei uusdrätte, wel er nit yyverstande gsii isch mit dr Entwicklig vum bolitische Kurs vu dr Griene.
Dr Walde het syy Engaschment verlageret un het im Ufdrag vu dr Schwyzre Caritas humanitäri Hilf im Nordirak, z Ruanda un im Kosovo glaischtet.
Ändi 1990er Johr isch er uf Dytschland retuurchuu. Är isch mit syre Läbesgfehrti uf Trebel im nidersächsische Wendland zoge un het dert e Lade fir regionali Brodukt bedribe. Wichtig isch isch ihm s Engaschment gege s blant Atommilländlager z Gorleben blibe. Unter anderem isch er Schriftfierer vu dr Bürgerinitiative Lüchow-Dannenberg e. V. gsii.
Am 16. Dezämber 2011 isch dr Eberhard Walde z Salzwedel im Alter vu 62 Johr an eme Härzinfarkt gstorbe. D Vorsitzende vu Bindnis 90/Di Griene, d Claudia Roth, wu lang mit em Walde in ere Wohngmainschaft bi Bonn zämmegläbt het, het en gwirdigt mit dr Wort:
„Eberhard Walde war ein Grüner der ersten Stunde, der als großer Organisator den Aufbau der Parteistrukturen maßgeblich geprägt hat, Wahlkämpfe geführt und entscheidend zum Erfolg der Grünen in den 80er Jahren beigetragen hat. Mit scharfem Verstand, außergewöhnlichem Engagement und einem großen Herzen hat er für die Grünen gekämpft und gelebt und war den grünen Zielen immer verbunden.“
Dr Walde isch e Uränkel vum Holzschnitzer un Bildhauer Christian Hermann Walde gsi. Sy Brueder iisch dr Geolog Detlef Walde. Em Walde sy Läbesgfehrti isch d Michaela Lüngen gsii. Är het e Suhn, Felix Walde, un e Dochter, Lea Dünow, gha.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.