Dr Daniel Jacob Radcliffe (* 23. Juli1989 z Fulham, London) isch e britische Schauspiiler. Bekannt woren isch er dur d Darstellig vum Harry Potter in dr Verfilmige vu dr glyychnamige Roman vu dr Joanne K. Rowling.
Dr Daniel Radcliffe isch z London as einzig Chind vum Literaturagänt Alan George Radcliffe un dr Casting-Agänti Marcia Jeannine Gresham geb. Jacobson uf d Wält chuu. Syy Vater isch Proteschtant un stammt vu Nordirland, syy Mueter isch Jidi, ihre Nooname Gresham isch e Anglisierig vu Gershon.[1]. Dr Daniel Radcliffe sälber isch Atheischt.[2]
Dr Daniel Radcliffe het scho anne 1999 im Alter vu zeh Johr in dr britische Färnsehproduktion David Copperfield, ere Verfilmig vum Roman vum Charles Dickens, dr jung David Copperfield gspiilt. Syy Kinodebüt het er 2001 gee in dr John-le-Carré-Verfilmig Der Schneider von Panama as Lyynwandsuhn vu dr Jamie Lee Curtis un em Geoffrey Rush.
2001 isch dr Radcliffe wäg em große Erfolg vu Harry Potter und der Stein der Weisen glyych wie syyni beide Schauspiilkollege Emma Watson un Rupert Grint, wu d Hermine Granger un dr Ron Weasley spiile, schnäll wältbekannt wore. Au in dr Furtsetzige Harry Potter und die Kammer des Schreckens (2002), Harry Potter und der Gefangene von Askaban (2004), Harry Potter und der Feuerkelch (2005), Harry Potter und der Orden des Phönix (2007) un Harry Potter und der Halbblutprinz (2009) het er wider d Hauptroll gspiilt. S letscht Buech vu dr Serie Harry Potter und die Heiligtümer des Todes wird in zwee Film ufdeilt, dr erscht Deil isch 2010 in d Kino chuu, drzweet Deil isch fir 2011 blant. Dr Radcliffe het au dr Maps gspiilt im Film December Boys.
Im Novämber un Dezämber 2002 isch dr Radcliffe e Iberraschigsgascht in e baar Vorstellige vu dr Komödie The Play What I Wrote, wu vum Kenneth Branagh am Wyndham’s Theatre im Londoner West End inszeniert un mit em Olivier Award uuszeichnet woren isch. 2007 het er syy Theaterdebüt gee in s Peter Shaffers Equus, wun er in dr Roll vum psychisch gsterte Staalbue Alan Strang am Gielgud Theatre z London Erfolg het chenne fyyre.
Dr Daniel Radcliffe het e gschetzt Vermege vu 23 Millione Bfund. Zurzyt zellt er noch em amerikanische Forbes Magazine zue dr Jungschauspiiler z Hollywood, wu am beschte verdiene. Zwische Juni 2007 un Juni 2008 het er Gasche in Hechi vu 19 bis 25 Mio. US-Dollar iberchuu un lyt vor dr Amerikanerne Miley Cyrus (* 1992; 15-25 Mio. US-Dollar) un Mary-Kate un Ashley Olsen (* 1986; 15-22 Mio. US-Dollar) uf Blatz eis.[3]
1999: David Copperfield (David Copperfield) (TV)
2001: Der Schneider von Panama (The Tailor of Panama)
2001: Harry Potter und der Stein der Weisen (Harry Potter and the Philosopher’s Stone)
2002: Harry Potter und die Kammer des Schreckens (Harry Potter and the Chamber of Secrets)
2004: Harry Potter und der Gefangene von Askaban (Harry Potter and Prisoner of Azkaban)
2005: Harry Potter und der Feuerkelch (Harry Potter and the Goblet of Fire)
2007: Harry Potter und der Orden des Phönix (Harry Potter and the Order of the Phoenix)
2007: December Boys
2007: My Boy Jack (TV-Drama)
2009: Harry Potter und der Halbblutprinz (Harry Potter and the Half-Blood Prince)
2010: Harry Potter und die Heiligtümer des Todes: Teil 1 (Harry Potter and the Deathly Hallows: Part 1)
2011: Harry Potter und die Heiligtümer des Todes: Teil 2 (Harry Potter and the Deathly Hallows: Part 2)
2012: Die Frau in Schwarz (The Woman in Black)
2012: A Young Doctor’s Notebook (vierdeiligi Miniserie)
2013: Kill Your Darlings
2013: The F-Word – Von wegen nur gute Freunde! (The F Word)
2013: Horns
2015: Dating Queen (Trainwreck)
2015: Victor Frankenstein – Genie und Wahnsinn (Victor Frankenstein)
2015: The Gamechangers
2016: Swiss Army Man
2016: Die Unfassbaren 2 (Now You See Me 2)
2016: Imperium
2017: Jungle
2018: Der Kurier – In den Fängen des Kartells (Beast of Burden)
2019: Playmobil: Der Film (Playmobil: The Movie, Stimm)
Serien´
2006: Extras (Folge Die Daniel-Radcliffe-Episode)
2010, 2014: Die Simpsons (The Simpsons, 2 Folge, Stimm)
2015: BoJack Horseman (Folge 2x08 Finden wir es heraus, Stimm)
2019: Miracle Workers (7 Folge)
2002: The Play What I Wrote (West End) – Gaschtufdritt
2007: Equus (West End) – as Alan Strang
2008–2009: Equus (Broadway) – as Alan Strang
2011–2012: How to Succeed in Business Without Really Trying (Broadway) as J. Pierrepont Finch
2013: The Cripple of Inishmaan (West End) – as Billy Claven
2014: The Cripple of Inishmaan (Broadway) – as Billy Claven
2017: Rosencrantz and Guildenstern Are Dead (Old Vic Theatre, London)
2018–2019: The Lifespan of a Fact (Broadway)
Abdruck vu dr Händ, Fieß un Zauberstäcke vu dr Emma Watson, em Daniel Radcliffe un em Rupert Grint vor em Grauman’s Chinese Theatre
2001: Male Youth Discovery of the Year (Hollywood Women’s Press Club)
2001: Bravo Otto in Silber as männlige Filmstar
2002: Person of the Year (Time For Kids)
2002: Gold Plate, David di Donatello Awards
2002: Sir James Carreras Award: „Outstanding New Talent“
2002: Bravo Otto in Silber as männlige Filmstar
2003: Best Young Actor (SyFy Genre Awards)
2003: Bravo Otto in Bronze as männlige Filmstar
2004: Top 10 Kinderstar' (RTL)
2004: Young Talent of the Year (ITV Celebrity Awards)
2004: Bravo Otto in Silber as männlige Kinostar
2005: Best Young Actor (SyFy Genre Awards)
2005: Bravo Otto in Gold as männlige Kinostar
2006: Best Actor/Movie (SyFy Genre Awards)
2007: Best Male Performance (National Movie Awards, UK)
2007: Bravo Otto in Gold as männlige Kinostar
Im Juli 2007 hän si dr Rupert Grint, dr Emma Watson un dr Daniel Radcliffe zämme mit Abdruck vu ihre Händ, Fieß un Zaubwerstäcke vor em Grauman’s Chinese Theatre z Los Angeles verebigt.[4]
2008: Dewynters London Newcomer of the Year (Whatsonstage.com Theatregoers’ Choice Awards, UK)
2009: Favorite Leading Actor in a Broadway Play (Broadway.com Audience Award)
Dä Artikel basiert uff ere fräie Übersetzig vu dere Version vum Artikel „Daniel_Radcliffe“ vu de dütsche Wikipedia. E Liste vu de Autore un Versione isch do z finde.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
