From Wikipedia, the free encyclopedia
Diè Baureiè 86 isch è Einheits-Güèterzugtendèrlokomotyv vo dè Dütschè Rychsbaan. Si isch für dè Ysatz uff dè Nebbèstreggè vorgsää un isch vo fascht allè für d Rychsbaan tätigè Unternää gliferet worrè. Ab 1942 sin si in èrè voeifachtè Form als Übbergangschriègslokomotyvè (ÜK) baut worrè. Dodeby isch s Wègkeiè vo dè zweitè Füürerschtandssitèfenschtèr, sowiè diè als Schybèräder uusgfüürtè Laufrädèr am augèfälligschtè.
| DR-Baureiè 86 | |
|---|---|
 | |
| Nummerierig: | 86 001–86 591 86 606–86 627 86 698–86 816 86 835–86 875 86 966 Bentheimer Ysèbaan 41 (als 86 817 vorgsää) Eutin-Lübecker Eisenbahn 15III (1942 an DR 86 1000) |
| Azahl: | 775 |
| Hersteller: | MBG Karlsruè Linke-Hofmann-Wärk F. Schichau Friedr. Krupp AG Maschinnèfabrik Esslingè Aug. Borsig Henschel & Sohn Berliner Maschinnèbau Orenstein & Koppel Wyner Lokomotyvfabrik Floridsdorf (WLF/LOFAG) DWM Posen |
| Baujohr: | 1928–1943 |
| Usmusterig: | ab 1945 |
| Achsformel: | 1'D1' |
| Bauart: | 1'D1' h2t |
| Gattig: | Gt 46.15 |
| Spurwiiti: | 1.435 mm |
| Längi über Puffer: | 13.820 mm |
| Höchi: | 4.165 mm |
| Chliinsr bef. Halbmässer: | 140 m |
| Leermasse: | 70,0 t |
| Dienstmasse: | 88,5 Mp 867,9 kN |
| Riibigsmasse: | 60,6 Mp 594,3 kN |
| Radsatzfahrmasse: | 15,6 Mp ~153,0 kN |
| Höchstgschwindigkeit: | 70–80 km/h |
| Indizierti Leistig: | 758 kWi / 1031 PSi |
| Kuppelraddurchmässer: | 1.400 mm |
| Laufraddurchmässer vorne: | 850 mm |
| Laufraddurchmässer hinde: | 850 mm |
| Steuerigsart: | ußèligendi Heusinger-Stüèrig |
| Zylinderzahl: | 2 |
| Zylinderdurchmässer: | 570 mm |
| Cholbehub: | 660 mm |
| Chessellengi: | 4.500 mm |
| Chesselüberdruck: | 14 kp/cm² 137,3 kN/cm² |
| Zahl vo de Heizrohr: | 110 |
| Zahl vo de Rauchrohr: | 26 |
| Heizrohrlengi: | 4.500 mm |
| Rostflechi: | 2,39 m² |
| Strahligsheizflechi: | 10 m² |
| Rohrheizflechi: | 107,3 m² |
| Überhitzerflechi: | 47,00 m² |
| Verdampfigsheizflechi: | 117,937 m² |
| Wasservorrot: | 9,0 m² |
| Brennstoffvorrot: | 4,0 t |
| Brämse: | Einkammer-Druckluftbrèms Bauart Knorr mit Zuèsatzbrèms |
| Feststellbrämse: | Extersche Wurfhebèlbrèms |
Fascht alli dütschè Lokomotyvfabrikè sin am Bau vo dè Maschinnè beteiligt gsi. Im Zitraum vo 1928 bis 1943 sin 775 Exemblaar baut worrè, Einsatzgebièt sin vor allem Mittelgebirgsstreggè, dõrum hèn diè zeen Exemblaar è Riggèbach-Gegèdruggbrèms. i
.JPG)
Nõch èm Zweitè Wältchrièg sin vill Lokomotyvè zu anderè Baanvowaltigè glangt. Nõch èm Chriègsènd sin 385 Maschinnè uff èm Netz vo dè Deutsche Bundesbahn voblibbè, devò sin acht wegè Chriègsschädè bis 1952 uusgmuschterèt worrè. Diè bi dè N.S. vorgfundenè 86 520 sin a d DB abgää worrè. Diè Dütschè Rychsbaan hèt nõch Abgaab vo 71 Loks a diè SŽD vo 172 Exemblaar nõ 164 i dè Betrièbsbeschtand uffnää könnè. D ÖBB hèt 27 Maschinnè vorgfundè, devò hèt si zwei wegè schwèrè Schäddè ausgmuschterèt un d 86 477 a d SŽD abgää hèt müèsè. 1950 hèt si uss Ungarn vo dè MÁV drei vo dè ČSD erhaalteni Maschinnè chriègt. D ČSD hèt gsamt 69 Lokomotyvè vorgfundè, devò hèn sibbè Exemblaar uffgrund vo irer Beheimatig z Sachsè als sowjetischi Beuti goltè un sin a d SŽD abgää worrè. Witeri Loks hèt si mit dè DR un DB uusduuscht. Schlussèndlich hèt si allerdings nu 26 Loks widder in Betrièb gnõ, wo i d Baureiè 455.2 umzeichnèt worrè sin. Bi dè PKP sin vo 46 uffgfundenè 45 Loks als TKt3-1 bis TKt3-45 widder in Bedryb gnõ worrè. Zwei Maschinnè sin dirèkt zu dè SŽD glangt, yschlièßlich vo allnè beschlagnaamtè Lokomotyvè hèt si somit 84 Maschinnè erhaaltè. Verschollè sin nu d 86 009 un 86 016.
D Bundesbaan hèt diè meischtè 86er z Nürnbärch für diè fränkischè Nebbèschtreggè un dè dortige Rangyrbaanhof stationyrt. Au s Baanbetrièbswärch Hof isch è bekannts 86er Territorium gsi. Mit dè BR 86 sin au regèlmäßig kurzi Eilzüg gfaarè worrè. D DB hèt iri letschti Lok 1974 uusgmuschterèt.
.jpg)
Bi dè DR sin d 86er hauptsächlich im Bw Aue (mit ca. 50 Maschinnè) für diè umligendè Èrzgebirgsschtreggè stationyrt worrè. Einigi uff dè Inslè Usedom im Bw Heringsdorf stationyrti Exemblaar vo dè DR hèn wegèm fascht ständig wehendè Sitèwind Windleitblèch. D Loks hèt mò im Gebirge au für d Beförderig vo Eil- un Schnellzüg wiè m D764 vowendèt, wo zwischè Zwickau un Schwarzèberg mit èrè 86er gfaarè worrè sin. Als letschti Zugleischtig von èrè 86er isch am 25. September 1976 dè P 16650 uff dè Stichschtreggi Schlettau-Crottèdorf gfaarè worrè, sechs Johr spôter hèn d 86 001, 86 056 un 86 501 abwechselnd widder bis Mai 1988 dè Zugdiènscht auf sellerè Streggi übbernõ. Sit irer Indiènschtschtellig 1928 isch d 86 001/86 1001-6 fascht täglich unter Dampf gschtandè, i dè letschtè Betrièbsjohr abber oft nu als Heizlok bruucht worrè. Zämmè mit dè 86 501 isch diè Lok zum 100-jôhrigè Jubiläum vo dè Streggi Schlettau-Crottèdorf im Johr 1989 nomòls è Wochè im Blaandiènscht ygsetzt worrè. D 86 001 hèt mit èm Diènschtalter vo 60 Johr diè längscht Ysatzduèr vo allnè im Blaandiènscht ygsetztè Einheitstenderloks erreicht. Sit 1999 isch d 86 001 kaalt abgschtellt.
Vo allnè Lokomotyvè vo dè Baureiè 86 hèn diè öschterrychischè Maschinnè diè spektakulärschtè Ysätz gleischtet, unter anderem mit schwèrè Erzleerzüüg als Vorschpann für è BR 52. Alli Loks vo dè ÖBB hèn au è Saugluftbrèms erhaaltè, wo selli bim Wagèpark no vobreitet gsi isch. Stationyrt sin d Maschinnè hauptsächlich bi dè Heizhüüser Hyflau, Selzthal, Linz, Bischofshofè un St. Veit (Glan) gsi. Vo 1966 bis 1972 sin alli Maschinnè uusgmuschterèt worrè, nu diè vo dè Öschterrychischè Gsellschaft für Ysebaagschicht kaufti 86.476 isch dè Voschrottig entgangè. D Lok isch bis jetzt allerdings nit uusgschtellt worrè.
S wichtigschte Ysatzgebièt vo dè 455.2 bi dè ČSD isch d Wärchbaan vom Hüttèwärch Oschtrava gsi, uff wellerè bis zu elf Maschinnè glychzitig ygsetzt worrè sin. Selli Lokomotyvè hèn è zweiti Straalbumpè a dè Stell vom Vorwärmer erhaaltè. Am Èndi vo dè 1950er Johr sin si durch d Baureiè 555.0 un 555.1 ersetzt worrè. Schu 1963 sin alli Exemblaar vo dè 455.2 us èm Betrièbsbeschtand uusgschiddè.
Diè polnischi TKt3 hèt statt èm Obberflächèvorwärmer è zweiti Straalbumpè chriègt, asè wiè d Maschinnè vo de ČSD. Ygsetzt worrè sin d Loks fascht uusschlièßlich uff dè Nebbèbaan un spôter au Rangyrbaanhööf. Im Johr 1964 hèt d PKP vir Lokomotyvè a d Bärgbauinduschtry vokauft. Aaschlièßend hèt d Uusmuschterung aagfangè, 1973 sin nu no zwei Loks im aktivè Beschtand gsi. Am 2. Januar 1975 isch mit TKt3-15 diè letscht Lok vo sellerè Baureiè us èm Beschtand vo dè PKP uusgschiddè. Mit dè TKt3-16 (ehemòls 86 240), eini vo dè vir vokauftè Exèmblaar, isch ei Maschinnè vo sellèrè Gattung z Polè erhaatè blibbè.
D Loks, wo zu dè SŽD glangt sin, hèt mò vomuètlich i dè seltenschte Fäll umgschpurt un ygsetzt. Bewisè isch nu bi dè 86 798 èn Ysatz als Wärchlok i dè Nôchi vo Jekaterinburg.
Z Dütschland erhaaltè blibbè sin nebbè dè obbè gnanntè 86 001 (SEM Chemnitz), dè älteschtè Maschinnè vo sellèrè Baureiè, d Lokomotyvè 86 049 (VSE Schwarzèbärg), 86 283 (DDM Neuèmarkt-Wirsbärg), 86 346 (UEF Ettlingè), 86 457 (DB Museum) un 86 607 (VMD Leigaab nõch Adorf, ÜK). Betrièbsfähig isch derzit nu d 86 333, wo bis 2013 uff dè "Sauschwänzlebaan" im Ysatz gsi isch, in Uffarbeitig befindèt sich d 86 348 vo dè GES, wo gmeinsam mit dè 64 094 bis 1999 uff èm Parkplatz von èm Ykaufszèntrum z Ludwigsburg uffgschtellt gsi isch, un 86 744 (ÜK) vo dè MEM. 86 457 vom DB Museum isch 2005 bim Brand vom Lokschuppè vom BW Nürnbärch 1 (Museumsdepot vom Nürnbärger Vokeersmuseum) schwèr beschädigèt worrè un denõch is Ysebaamuseum Heilbronn brocht worrè, wo si derzit no uff iri Uffarbeitig wartet.
Vo dè DR sin d 86 056 un 86 501 a d ÖGEG z Öschterrych vokauft worrè, wo au diè ehemòligi ÖBB-Lok 86 476 bsitzt, z Polè isch d 86 240 als Tkt3-16 erhaaltè blibbè. Insgsamt sin dõmit 13 Loks erhaaltè blibbè, nüü devò befinded sich z Dütschland.
 |
Dä Artikel basiert uff ere fräie Übersetzig vum Artikel „DR-Baureihe_86“ vu de dütsche Wikipedia. E Liste vu de Autore un Versione isch do z finde. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
