Csongrád

S Komitat Csongrád-Csanád (IPA: ['ʧoŋgraːd] isch e Komitat im Südoste vo Ungarn. Komitatssitz isch Szeged. Im Norde gränzt s an Jász-Nagykun-Szolnok, im Oste an Békés und im Weste an Bács-Kiskun. Südlig vo-n-em liige Rumänie und Serbie. S Land wird vo de Theiß zweideilt.

Csongrád-Csanád
Komitatssitz	Szeged
Flächi	4262,68 km² (12. Platz)
Ywohnerzahl	424'139 Ywohner (2008, 8. Platz)
Bevölkerigsdichti	99,5 Ywohner pro km²
Dialekt	Süd- und Theißdialäkt (Déli- és tiszai nyelvjárások)
ISO-3166-2-Abchürzig	HU-CS

Geografy

D Theiß bi Szeged.

Csongrád isch s nydrigste Komitat vo Ungarn. De höchst Punkt isch uff em Öttömös (128 m), de diefst z Szeged (75,8 m).

De Adeil vo de sunnige Dag isch im Verglych relativ hoch. Im Komitatsgebiet litt Gyálarét, di wärmsti Landschaft vo ganz Ungarn.

De längst Fluss vom Komitat isch d Theiß, wo uff re Längi vo etwa 100 Kilometer durefließt. Witeri nennenswerti Flüss sin de Maros und de Körös. Näbe sälle Flüss git s au vyli See und Kanäl.

Gschicht

S Gebiet vom hüttige Komitat isch 1950 festglegt worre; devor isch dört s historische Komitat Csanád gsi. Vo sällem sin aber d Bezirk Torontáli und Központi züe Békés cho. Sällemols isch no Szentes de Komitatssitz gsi, wo aber 1962 uff Szeged verlegt worre isch.

Dank sinem warme Chlima und de Bodequalität isch d Landwirtschaft relativ usprägt: Si macht 6,2 Prozänt vo de Csongráder Wirtschaft us. Am BIP vo Ungarn hät Csongrád e Adeil vo 7 Prozänt. Züenehmend werre au Sunneblüeme apflanzt. Au Knoblauch wirt produziert.

Kultur

D Wüsseschafteuniversität

D Csongráder Hauptstadt Szeged isch e wichtigs kulturälls, wüsseschaftligs und pädagogischs Zäntrum vo Ungarn. Dört liige d Wüsseschafteuniversität (Szegedi Tudományegyetem) und witeri Forschigsinstitut, wo für s Land vo Bedütig sin.

Under de Musee sin s Móra-Ferenc-Museum z Szeged, s Tornyai-János-Museum z Hódmezővásárhely, d Alföldi Galéria (frei übersetzt: Galery vo de Große Ungarische Diefebeni) und s Elmékpont. Im Komitat Csongrád litt au s Museum vom Johr 2005, s József-Attila-Museum.

Wirtschaft

Z Csongrád chömme Erdöl und Erdgas vor; de Verbruch vo Ungarn wird zu me Großdeil vo de Csongráder Vörchomme deckt.

Au in de Landwirtschaft isch s Komitat Csongrád wichtig. Durch di geografische Eigeschafte, zum Bispyl di hochi Azahl an Sunnestunde und d'Nöchi vo de Flüss, isch de Bode zimlig fruchtbar. In de Broduktion vo Gedreide, Gmies und Obscht isch d'"Fűszerpaprika" vo Szeged nänneswärt. Au z Szeged und usserdem z Makó werre au verschydeni Arte vo Zieble abaut; di roti Zieble vo Makó und d'Pfirsich vo Szatymaz sin ungarnwit bekannt. Usserdem wird im ganze Komitat Wy abaut. Z Szeged isch d'Salamifabrik (ung. Pick Szalámigyár).

Gröschti Städt

Stadt/Gmeind	Ywohner (1. Januar 2005)
Szeged	162.889
Hódmezővásárhely	47.775
Szentes	30.259
Makó	25.396
Csongrád	18.403
Sándorfalva	8.096
Kistelek	7.615
Mindszent	7.311
Mórahalom	5.783
Algyő	5.388

Weblink (alli Ungarisch)

 Commons: Komitat Csongrád – Sammlig vo Multimediadateie

• Liste vo de Csongráder Musee
• Csongrád megye (Internetufftritt)

Komitat (megyék) vo Ungarn Bács-Kiskun | Baranya | Békés | Borsod-Abaúj-Zemplén | Budapest | Csongrád | Fejér | Győr-Moson-Sopron | Hajdú-Bihar | Heves | Jász-Nagykun-Szolnok | Komárom-Esztergom | Nógrád | Pest | Somogy | Szabolcs-Szatmár-Bereg | Tolna | Vas | Veszprém | Zala

Dä Artikel basiert uff ere fräie Übersetzig vum Artikel „Csongrád_megye“ vu de ungarische Wikipedia. E Liste vu de Autore un Versione isch do z finde.