Churfirsten

D Churfirschte oder Churfürschte (IPA: [ˈxuːrfʏrʃtə]) sind e Chetti vo sibe relatiiv junge Chalchstaibärge. Si laufet im Norde nöd allzu gääch is Toggeburg us, im Süde aber fallets fast senkrecht in Walesee (419 m ü.M.) ab. Si sind s Woorzaiche vom Toggeburg.

Churfirste
Hinderrugg, Schibestole, Zuestole, Brisi, Frümsel und Seluu vom Toggeburg us gsee Hinderrugg, Schibestole, Zuestole, Brisi, Frümsel und Seluu vom Toggeburg us gsee
Hechi	2'306 m ü. M.
Lag	Kanton Sanggalle, Schwiz
Gebirg	Appezäller Alpe
Geografischi Lag	740412 / 22423447.1541666666679.29027777777782306
Churfirsten (Schweiz) Churfirsten
D Churfirste vo Süde öber de Walesee us gsee D Churfirste vo Süde öber de Walesee us gsee

f

Näme

D Näme vode sibe Churfürste sind vo Oste noch Weste: de Chäserrogg (IPA: [ˈxæsərʊk]; 2'262 m), de Henderrogg (IPA: [ˈhɪnd̥ərʊk]; 2'306 m), de Schiibestole (IPA: [ˈʃiːb̥əʃtolə]; 2'234 m), de Zuestole (IPA: [ˈtsʊə̯ʃtolə]; 2'235 m), de Brisi (IPA: [ˈb̥rɪsi]; 2'279 m), de Frümsel (IPA: [ˈfrʏmsəl]; 2'263 m) und de Seluu (IPA: [selˈuː]; 2'205 m). D Bergchetti setzt sich den in Weste fort mit: Wart (2'068 m), Schäär (2'171 m), Nägeliberg (2'163 m) und Liistchamm (2'101 m).

Turismus

Vo Unterwasser us fart e Standsailbaa uf de Iltios (IPA: [ɪltiˈo:s]) und vo döt us schwebt e Gondelbähnli uf de Chäserogg, wos e Restarant anegstellt hend. E Schiipiste för güebti Schiifahrer füert zrugg an Iltios wos au Schiilift för Afänger het. Well de Berg uf drai Site stail abfallt, tar Piste uf kann Fall verlo werde. Im Summer werd en Erwanderig vomene Churfirst mitere prächtige Uusicht über d Alpe und de Bodesee belohnt.

Bsundrigs

Am Seluu isch s Wildemannliloch, e Höhli wo ide Staizitt benutzt woren isch. Me ninnt au aa, ass de Johannes Seluner i dere Höhli glebt gha het.

Belder

• 
  Churfirsten vom Säntis her gseh
• 
  Blick vom Laischtchamm zum Walesee abe

Weblink

 Commons: Kurfirste – Sammlig vo Multimediadateie