From Wikipedia, the free encyclopedia
Cama isch e Gmaind vom Kanton Graubünda.
| Cama | |
|---|---|
 | |
| Basisdate | |
| Staat: | Schwiiz |
| Kanton: | Graubünde (GR) |
| Region: | Moesa |
| BFS-Nr.: | 3831 |
| Poschtleitzahl: | 6557 |
| Koordinate: | 733462 / 125758 |
| Höchi: | 366 m ü. M. |
| Flächi: | 15.00 km² |
| Iiwohner: | 658 (31. Dezämber 2022)[1] |
| Website: | www.cama-gr.ch |
 Cama | |
| Charte | |
 | |
D Gmaind lyt in dr Region Moesa. S Dorf isch am Fluss Moësa im undere Misox, am Bärghang uf dr rächte Syte vom Daal. Uf dere Syte isch nur ganz en chlyne Deil vom Gmaindgebiet. Das goot drfür uf dr andere Syte obenam Dorfdeil Al Pont, was uf Dütsch ”bi dr Brugg“ häisst, bäidsyts vom Sytedaal Val Cama ganz uf die höche Bärge. Im Norde isch dr Piz Croch dr högscht Gipfel mit 2377 Meter über Meer, im Südweschte dr Pizzo Paglia mit dr Höchi vo 2550 Meter. Am Ändi vom Camadaal stoot dr Bärggraat, wo vom Paglia zum Piz Martel und zum Sasso Bodengo und zum Piz d’Uria lauft. Über die Bärgchetti goot au d Landesgränze zwüsche dr Schwiiz und Itaalie. Ufem Bodengo träffe sech dezue ane d Gebiet vo de iteliänische Provinze Como und Sondrio.
Im Camadaal isch bim Camasee (Lagh de Cama) deils uf Gmaindgebiet vo Cama und deils uf Bode vo Verdabbio in dr Gmaind Grono die schöni Alp Alp de Lagh, wo hüt no als Gäissenalp pruucht wird. Mit Hilf vo dr Organisazioon ProSpecieRara tuet me do di Graui Bärggäiss (Capra grigia), wo als eini vo de starch bedrote Schwiizer Gäissearte gilt, wyter züchte.[2] Us em Camadaal flüsst der Valcamabach zu dr Moesa abe.
Wyti Berych vo de andere alte Alpweide wärde scho lang nümm bestosse und sind ganz vom Wald zuetekt. Höch überem Camasee lyt dr Sambrogsee, wo zu Verdabbio ghört.
S Dorf Norantola mit dr alte Burgruine, , d Frakzioon Ogreda und dr Wyler Aosa sind au i dr Gmaind Cama.
Bi Cama isch am Schluss no dr Ändbaanhof gsi vo dr ehemolige Ysebaanlinie vo Castione-Arbedo is Misox, dr Ferrovia Bellinzona-Mesocco.[3]
D Dorfchile, wo s Patrozinium vom Sankt Moritz het, isch ane 1219 erwäänt worde. D Pfarrei Sankt Moritz het sech ane 1611 vo San Vittore trännt.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
