CPLP

D Gmeinschaft vo de Portugiisischsprächende Länder (Comunidade dos Países de Língua Portuguesa oder CPLP) isch ä multilaterals Forum für Fründschaft und Zsämmenarbet unter de portugiesischsprächende Länder. D Mitgliidstaate si Portugal und ehemoligi Kolonie vo Portugal. In alle Mitgliidstaaten isch Portugiisisch d Amtssproch.

Symbol vo der CPLP
Mitgliidstaate vo der Gmeinschaft vo de Portugiesischsprächende Länder	Angola, Brasilie, Guinea-Bissau, Kap Verde, Mosambik, Osttimor, Portugal, São Tomé und Príncipe
Amtssproch	Portugiisisch
Sitz	Lissabon
Generalsekretär	Luís de Matos Monteiro da Fonseca
Flechi	10.742.000 km²
Bevölkerig	223 Millione
Gründig	1996

Mitgliider

• Angola
• Brasilien Brasilie
• Guinea-Bissau
• Kap Verde
• Mosambik
• Portugal Portugal
• São Tomé und Príncipe
• Osttimor

D CPLP isch im Johr 1996 vo de siibe Länder Angola, Brasilie, Guinea-Bissau, Kap Verde, Mosambik, Portugal und São Tomé und Príncipe gründet worde. Noch der Unabhängigkeit vo Indonesie im Johr 2002 isch au Osttimor der Gmeinschaft bidräte. Am 13. Juli 2007 het Äquatorialguinea Portugiisisch as eini vo siine Amtssproche agno, so dass es au chönnt bidräte.

D Mitglidstaate hai zsämme meh as 223 Millione Bewohner und umfasse ä Flechi vo 10.742.000 km², was ä chlii grösser as d USA oder Kanada isch.

Beobachterstatus

• Äquatorialguinea Equatorialginea
• Mauritius
• Macau, China (het än Adrag gstellt)

In ä baar vo de ehemolige Kolonie vo Portugal si Kreolsproche entstande, wo us em Portugiisische uusegwaggse si. Sit 2006 hai Äquatorialguinea und Mauritius dr Status vo Beobachter. Au Macau will das.

Macau isch bis 1999 ä portugiisische Überseeprovinz gsi und no hüte isch Portugiisisch eini vo de Amtssproche. Wil Macau jetzt ä Sonderverwaltigszone vo China isch, het d Volksrepublik 2006 um ä Beobachterstatus bittet.

D Gmeinschaft

D Gmeinschaft isch no im Ufbau. Si isch ä Organisation vo Länder, wo vonenander sehr wenig wüsse und nume dur ä gmeinsami Sproch verbunde si, und wo vo grosse Distanze und kulturelle Unterschiid von enand trennt si.

Sit dr Gründig het d CPLP z Guinea-Bissau und São Tomé und Príncipe bi der Überwindig vo innere Krise noch Staatsstreich ghulfe und het d Ifüehrig vo politische und wirtschaftlige Reforme unterstützt. D Kapverde hai ä gmeinschaftligi Staatsbürgerschaft vorgschlage, das isch aber vo Portugal und indirekt au vo Brasilie vorläufig abgelehnt worde.

D CPLP het ihre Sitz z Lissabon, wo ä Generalsekretär alli zwei Johr gewehlt wird. Die nötige Finanzmittel chömme zum grösste Deil vo de acht Mitgliidsstaate. Am Sitz vo der Gmeinschaft si scho Brasilie, Guinea-Bissau und Portugal mit eigene Botschafter verträte. Osttimor het verchündet, ass es ä Botschafter wurd schicke.

Mosambik isch zwar portugiisischsprochig, isch aber näbe der CPLP gliichziitig au em Commonwealth of Nations bidräte.

Kandidate

Wil die galizischi Sproch vo vile as ä Dialekt vo der portugiesische Sproch agluegt wird, git s z Galizie Bemüehige der CPLP bizträte. Die Kulturbeuftragti vo der Xunta de Galicia het gsait ass si für ä Bitritt sig.

Weblingg

• Webseite der CPLP (Portugiesisch)
• Flag and History of a proposed "Portuguese Confederation"

Mitgliidländer vo der CPLP Mitglieder: Angola | Brasilie | Kap Verde | Guinea-Bissau | Moçambique | Portugal | São Tomé und Príncipe | Oschttimor Beobachterstatus: Äquatorial-Guinea | Mauritius | Macau

Dä Artikel basiert uff ere fräie Übersetzig vum Artikel „CPLP“ vu de dütsche Wikipedia. E Liste vu de Autore un Versione isch do z finde.