Bulle FR
Gmeind im Kanton Freiburg From Wikipedia, the free encyclopedia
Boll (uf französisch un offiziell: Bulle [byl]; im Friburger Patois Bulo 
[ˈbylo](info); im benoochbarte joutütsch Boù [b̥oʊ̯](info)) isch e politeschi Gmeind und e Stadt im Kanton Friburg.
Bulle
| Bulle | |
|---|---|
 | |
| Basisdate | |
| Staat: | Schwiiz |
| Kanton: | Friburg (FR) |
| Bezirk: | Greyerz |
| BFS-Nr.: | 2125 |
| Poschtleitzahl: | 1630 Bulle 1635 La Tour-de-Trême |
| UN/LOCODE: | CH BUL |
| Koordinate: | 570848 / 162987 |
| Höchi: | 771 m ü. M. |
| Flächi: | 23.84 km² |
| Iiwohner: | 25'722 (31. Dezämber 2022)[1] |
| Website: | www.bulle.ch |
 Bulle | |
| Charte | |
 | |
Dr dütsch Name «Boll» wird hüt nur no sälte bruucht.
Boll liit uf ere wyte Ebeni im Greyerzerland. Im Süde sind d Hügel vom Bärgmassiiv vom Moléson. Im Oschte chunt dr Gmeindbann vo Boll bis a d Saane.
D Nochbergemeinde von Boll sind Riaz, Echarlens, Morlon, Broc, Greyerz, Le Pâquier und Vuadens.
Boll isch im ene Dokumänt vom Joor 852 s erschte Mool erwäänt mid dr Schrybwys Butulo. Dr Bischof vo Losann het im früene Middelalter d Chile vom Sankt Eusebius gstiftet, wo d Muetterchile vom Greyerzerland gsi isch.
Im 12. Joorhundert isch es zwüschem Bischof und de Grafe vo Greyerz, wo bi yrere Burg s Stedtli Greyerz gründet hend, zum ene Striit um d Herrschaft i der Regioon cho.
Öpe um 1230 het dr Bischof d Ortschaft Boll mid ere Stadtmuur lo befeschtige, und er het die Stadt zum wirtschaftleche Zäntrum uf sym Land nördlech vom Moléson gmacht. Die adlegi Familie vo Boll isch im Dienscht vom Bischof gstande.
Wo d Bärner ane 1536 s savojische Waadtland und dermit au grad d Länder vom Bischof vo Losann eroberet hend, het sech Boll dr Stadt Friburg aagschlosse, wo druus sofort e Landvogtei gmacht het. Sid 1798 isch Boll dr Houptort vom Bezirk Bulle gsi, wo ane 1848 em Bezirk Greyerz zuedeilt worden isch.
Ane 2006 isch die ehemoligi Gmeind La Tour-de-Trême z Boll ygmeindet worde.
Quela: Bundesamt für Statistik 2005[2]
| Jaar | 1850 | 1860 | 1870 | 1880 | 1888 | 1900 | 1910 | 1920 |
| Yywoner | 2426 | 2741 | 2907 | 3227 | 3655 | 4393 | 5260 | 6053 |
| Jaar | 1930 | 1941 | 1950 | 1960 | 1970 | 1980 | 1990 | 2000 |
| Yywoner | 5630 | 6141 | 6901 | 7770 | 10031 | 10001 | 11986 | 14452 |
De Uusländeraateel isch 2010 bi 32,3 % gläge.[3]
76,2 % va de Yywoner si im Jaar 2000 römisch-katholisch gsii, 6,7 % evangelisch-reformiert.[3]
Bi de Vouchszelig 2000 hii va de 14452 Yywoner 85,5 % Franzöösisch aus Hùùptspraach aaggää, 3 % Tüütsch ù 11,5 % anderi Spraache.[3]
De aut frankoprovenzalisch Patois hii im Jaar 2000 na iigene Aagabe na 305 va de 14452 Yywohner ggredt.
- s Schloss
- d Altstadt
- s Roothuus
- dr Burgdurm z La Tour-de-Trême
- s Grand-Hotel Moderne
- s Café des Halles
- s Café Le Fribourgeois mid em wärtvolle und sältene Orchestrion La Solea vo 1913
- s Hotäll Drü Chroone (Les Trois Couronnes)
- d Pfarrchile
- d Chile Notre-Dame-de-Compassion
- d Sankt Peters-Chile
- d Sankt Josefs-Chile z La Tour-de-Trême
- s Greyerzer Museeum
- dr Musiggpavillon
- s Chapuzinerchloschter
- s Dänkmol vom Joseph Bovet
- dr Uuredurm ufem Hotel Wysses Rössli (Cheval Blanc)
- Offizielle Website vo dr Gmeind Bulle
- Denis Buchs: Bulle (Gemeinde). In: Historisches Lexikon vo dr Schwiiz.
- Denis Buchs: Bulle (Vogtei). In: Historisches Lexikon vo dr Schwiiz.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
