Dr Beat Trachsler, wo anne 1940 uf d Wält cho isch, chunt vo Basel. Er isch Dozänt für Kunschtgschicht, Mundartdichter und Schriftsteller. Me kännt ne z Basel under am Künschtlername Hylarius.
Er isch im Gundeli ugwachse, isch is Thiersteinerschuelhuus und ufs Humanistische Gimnasium ggange und het Kunschtgschicht, Germanistik und Latyn studiert. De isch er Lehrer a verschidene Schuele woorde, so au a dr Schuel für Gstaltig Basel und a dr Brueffsmaturitätsschuel. Er het im ene Projäkt vom Nazionalfonds s Wäärch vom Basler Zeichner Emanuel Büchel aglueget und drno als Verlagseleiter vom GS-Verlag z Basel gschaffet. Er isch dr Presidänt vom Basler Buechhändler- und Verlegerverein und vo dr Basler Künschtlergsellschaft gsi. Bi dr Basler Tänkmolpflääg het men uf syni Meinig als Bauexpärte gloost. Er isch sid anne 2016 der Presidänt vo dr Basler Hebelstiftig und leitet i dere Funkzioon all Joor s Hebel-Möhli z Huuse. Er het sälber au Sachen übere Johann Peter Hebel gschribe und Wäärch vo däm alemannische Dichter nöi usegää.[1]
Syni Artikel het er öppe für d Zytschrift B wie Basel gschribe, und dr baselstedtische Zytig Dr Lälli het er ghulfe bi de baseldütsche Bytreeg. Aktuell schribt er no d Kolumne Baseldytsch im Akzent Magazin vo dr Pro Senectute beider Basel.
Eis vom Trachsler syne Gedicht isch uff ere Bronzedafele am 2016 ygrichtete Uferwääg em Rhy noo, em DreylandDichterweg, z Basel verewiget, so wie es paar Stück vo anderne Mundartdichter.[2][3][4]
Dr Forscher, Lehrer und Dichter isch anne 2009 bi de Gründer vo dr Basler Inträssegmeinschaft Dialäkt drby gsi.
1991 het dr Beat Trachsler d Johann-Peter-Hebel-Gedänkplagette vo Wiisen übercho, 1992 dr Kulturprys vo Basel und 2001 der Hebeldank vom Hebelbund Löörech.
- Das vielseitige Werk des Basler Zeichners Emanuel Büchel, 1973
- Basler Engel, 1981
- Hymnen und Helge vom Ryy, 1988
- Schappedeggel yystoo!, 1988
- Johann Peter Hebel. Biografische Skizze. In: Johann Peter Hebel, Wesen, Werk, Wirkung, 1990
- Johann Peter Hebel. Werkauswahl, 1991
- Johann Peter Hebel, Alemannische Gedichte und Kalendergeschichten. CD
- Basler Fähren, 1992
- Georg Matt. Der Glasmaler im Zeichen des weissen Vogels, 1993
- Basler Fasnacht für Basler und Nichtbasler
- Basler Brunnen aus alter und neuer Zeit, 1998
- Z Basel under em Wienachtsbaum,
- 3 × Baseldytsch mid em Rudolf Suter, Carl Miville-Seiler, Beat Trachsler
- Vom Narr zum Ueli. Tradition und Wandel von Basler Fasnachtsfiguren, 2004
- Beat Trachsler (Hylarius), uf dr Websyte vom Dreyland Dichterweg
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
