Basel-Am Ring
From Wikipedia, the free encyclopedia
S Ring-Quartier, offiziell Am Ring, isch ä Stadtteil vo der Schwiizer Stadt Basel. Es lit westlig vom Grossbasler Stadtzentrum.
|
Am Ring | ||
|---|---|---|
| ||
| Flechi | 0,91 km² | |
| Iiwohner | 10.323 (Jan. 2003) | |
| Bevölkerigsdichti | 10323 / 0.91 Iiwohner/km² | |
| Usländeraadeil | 26,2 % | |
| BFS-Nr. | 2701-003 | |
| Postleitzahl | 4051, 4054, 4055, 4056 | |
| Dialäkt: Baseldütsch |
S Ring-Quartier isch in de 1860er-Johr baut worde. D Hauptstrosse vom Stadtteil, dr Steinering, Spalering, Santihans-Ring, bilde ä ringförmigi Umrahmig vom zentralere, historische Deil vo der Stadt, dr Altstadt und de Vorstedt, und so het s Quartier si Name übercho. D Hüüser si für ä bürgerlig Mittelstand baut worde und sind meistens zwei- bis dreistöckigi Reihehüüser mit Herrschaftsfassade für mehreri Familie.
Zsämme mit em Bachlätte-Quartier wird s zum Spass as Bläächdalbe oder Alumyyniumdalbe—Dalbe isch dr baseldütsch Name vom St. Alban Quartier—bezeichnet.
Statistischs
Fast d Helfti vo de Iiwohner si konfessionslos, dr Räst si vor allem reformiert oder katholisch. Öbbe nüün vo zäh Erwärbsdätige schaffe im Dienstleistigsberiich as Lehrer, im Gsundheitswäse, in dr Verwaltig usw.; vor zwanzig Johr (1985) siis no ä chli weniger as drei Viertel gsi.
56 Prozänt vo de Hüüser si vor 1919 baut worde, dr Aadeil vo chliine Wohnige mit eim oder zwei Zimmer isch mit fast 40% ä chli höcher as dr Durchschnitt (fast 35%) im Kanton Baselstadt.
Gebäud und Sehnswürdigkeite
- Mariechille
- Église du Sacré-Cœur
- Chiesa di San Pio X
- Die Apostolischi Kapelle
- Basler Mission
- S Anatomische Museum
- S Sportmuseum vo dr Schwiiz
Lingg
Wikiwand - on
Seamless Wikipedia browsing. On steroids.