From Wikipedia, the free encyclopedia
D Baanschtreggi Etzwylè–Singè isch am 17. Juli 1875 zwǜschè Winti un Etzwylè vo dè Schwizerischè Nationalbaan (SNB) eröffnet worrè. Am glychè Dag sin au d Baanschtreggi Etzwylè-Konschtanz, d Baanschtreggi Chrützlingè–Chrützlingè Haffè un d Baanschtreggi Etzwylè-Singè eröffnet worrè. D Baangsellschaft isch scho 1878 in Konkurs gangè. Druffhy isch d Streggi vo dè Schwizerischè Nordoschtbaan (NOB) übbernõ worrè. Zwǜschè 1902 un 2004 hèn si zum Streggènetz vo dè Schwizerischè Bundesbaanè (SBB) ghört. Hüt isch s è eigèschtändigi Museumsbaanlinniè.
Etzwylè–Singè | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Kursbuechstrecki: | annedubaki 304h | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Streckenummere: | 4320 Singè–Staatsgränz | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Streckelengi: | 13,29 km | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Spurwyti: | 1435 mm (Normalspur) | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
D Baanschtreggi ghört zu dè wennigè Streggè vo dè SBB, wo niè elegtrifizyrt worrè isch. Si isch bi irer Stilllegig 2004 diè letschti nit elegtrifizyrti Streggi vo dè SBB gsi. Dè Personèvokeer isch scho am 31. Mai 1969 ygschtellt worrè. Denõch isch si langi Zit nó vo dè Züüg vo dè rollendè Landstrõss zwǜschè Rylasingè un Lugano bruucht worrè. Diè schwach Rhybrugg bi Hemmishoffè, s Faareleitig, wo gfäält hèt, sowiè dè Entscheid, s Terminal gu Singè z volegè, hèn dezuè gfüürt, dè Güètervokeer zwǜschè Ramsè un Etzwylè am 12. Dezembèr 2004 uffzgää, dè Güètervokeer zwǜschè Singè un Ramsè isch schu 1996 ygschtellt worrè. Diè am 27. Januar 2006 gründeti Stiftungè Museumsbaan Stei am Rhy – Etzwylè – Hemmishoffè – Ramsè & Rylasingè – Singè (SEHR & RS), è mittlerwyl eidgenössisch konzessionyrts Infraschtrukturunternämmè mit dè amtlichè Initialè SEHR, un d Ysèbaanbrugg Hemmishoffè hèt d Infraschtruktur käuflich übbernõ. Sit èm 1. Auguscht 2007 hèn zwǜschè Etzwylè un Ramsè Museumsfaartè durrègfüürt worrè chönnè. Am 28. Mai 2011 isch dè Abschnitt Ramsè – Rylasingè widder offizièll in Bedryb gnõ worrè chönnè. Dè letscht Abschnitt vo Rylasingè gu Singè cha zur Zit nò nit befaarè wörrè, well im Stadtgebièt vo Singè è Stugg Gleis fäält – d Stadt Singè hèt dört bi nèm Strõßèuusbau d Schinnè entfèrnt. Èn Widderuffbau vo dè Gleis un èn Museumsbedryb bis zum Baanhof Singè mit Gleisaaschluss as reschtliche Netz isch abber in Blaanig.[1]
Mit èrè Durchschnittsgschwindigkeit vo 40 km/h isch d Museumsbaan è rächt Stugg langsamer wiè nè Güèterzug mit 80 km/h bis 100 km/h. Bi dè Streggi Etzwylè–Singè übberquert dè Museumszug nüü Bruggènè. Doch d Schinnè vo Hemmishoffè nõch Ramsè un zrugg wörred nit nu vo dè Baan bruucht, sondern au vo dè Draisinè, wo vo zwei bis füüf Personè benutzt wörrè chänned. Regelmässig findet au i dè Winterzit voschideni Arbètsdääg statt. Akitivi Voreinsmitglyder erhaaltet d Ysèbaalinniè, schnydet Strüücher un Stuudè, unterhaaltet d Streggi un s Rollmatriaal.