Augustin Keller (General)

Dr Augustin Keller (* 22. August 1754 z Solodurn; † noch 1799) isch eine vo de Oberbefählshaber vo dr Armee vo dr Helvetische Republik gsi.

Läbenslauf

Dr Augustin Keller isch 1754 z Solodurn as Sohn vom Schniider Franz Leonz Keller uf d Wält cho. Er isch vo 1766 bis 1770 uf s Jesuitegymnasium z Solodurn gange. Druf isch er in französische Solddienst gsi und 1798 Platzkommandant vo Brügge worde. 1798 het Frankriich si Ernennig zum Chriegsminister vo dr Helvetische Republik mit eme Veto verhinderet. Vom Novämber 1798 aa isch dr Keller Kommandant vo dr helvetische Legion gsi und am 28. März 1799 au Oberbefählshaber vo de helvetische Elitedruppe mit em Rang vom ene Brigadegeneral worde. Scho am 24. Mai 1799 het men en wäge Unfähigkeit entloo, und er isch noch Frankriich gflüchdet. Am 24. Juli 1799 isch er vom ene Chriegsgricht verurdeilt worde.

Noch 1799 het me nüt me von em ghört und über ä Räscht vo siim Läbe weiss me nüt sicher. Er söll spöter im Dienst vo Frankriich und au vo Holland gstande si und d z Batavia stationiert gsi si.

Quelle

• Andreas Fankhauser: Keller, Augustin. In: Historisches Lexikon vo dr Schwiiz.

Oberbefählshaber vo dr Schwiizer Armee Ulrich vo Sax (Pavierzug, 1511) | Johann Ludwig vo Erlach (1633/1636) | Sebastian Peregrin Zwyer vo Evibach (1653/1656) | Wilhelm Bernhard vo Muralt (1792) | Karl Ludwig vo Erlach (1798) | Augustin Keller (Helvetik) | Johann Weber (Helvetik) | Joseph Leonz Andermatt (Helvetik) | Pierre vo der Weid (Helvetik) | Niklaus Rudolf vo Wattewyl (1805/1809/1813) | Niklaus Franz vo Bachmaa (1815) | Charles-Jules Guiguer de Prangins (1830/1838) | Peter Ludwig vo Donatz (1845) | Guillaume Henri Dufour (1847/1849/1856/1859) | Johann Ulrich vo Salis-Soglio (Sonderbund 1847) | Hans Herzog (Dt.-Frz. Chrieg, 1870–1871) | Ulrich Wille (Im Erste Wältchrieg, 1914–1918) | Henri Guisan (Im Zweite Wältchrieg, 1939–1945)