Arno Camenisch

De Arno Camenisch (* 1. Februar 1978 z Brigels) isch en Schriftsteller uss Graubünde, wo im rätoromanische Idiom Surselvisch ùn ùff Dütsch schryybt. Er schryybt Prosa, Lyrik ùn Theaterstügg. Überregional bekannt worde isch er dur syn Buech Sez Ner, wo ùff Romanisch ùn Dütsch gschriibe isch, ùn en Sùmmer uss Sicht vo de Älpler bschryybt.

de Arno Camenisch (links) zämme mit em romanische Sänger Pascal Gamboni im März 2012

Läbe

De Camenisch isch 1978 in de Fraktion Tavanasa vo de Gmei Brigels ùff d Wält cho ùn het dört au d Primar- ùn Sekundarschuel bsuecht. Deno het er s Lehrerseminar z Chur absolviert ùn meereri Reise dur Europa, Auschtralie ùn Südamerika gmacht. Vo 2004 bis 2007 het er z Madrid gläbt, ùn syt 2007 isch er Studänt am Schwyzerische Literaturinstitut (HKB) z Biel, wonner au läbt.

Vo 2005 bis 2009 het er Byträg für d Sändig Impuls ùff Radio Rumantsch gmacht.

Wärch

• Ernesto ed autras manzegnas. Prosa. Ed. Romania 2005.
• Sez Ner. Prosa. Urs Engeler Editor, Basel/Weil am Rhein 2009.
• Hinter dem Bahnhof. Prosa. Engeler Verlag, Holderbank 2010.
• Ustrinkata. Prosa. Engeler Verlag, Solothurn 2012 (als Hörspiil bearbeitet vom Geri Dillier).
• Fred und Franz. Urs Engeler, Solothurn 2013, ISBN 978-3-906050-06-5.
• Nächster Halt Verlangen. Ein paar Kolumnen. Urs Engeler, Solothurn 2014, ISBN 978-3-906050-18-8.
• Die Kur. Roman. Urs Engeler, Solothurn 2015, ISBN 978-3-906050-22-5.
• Die Launen des Tages. Prosa. Urs Engeler, Solothurn, 2016, ISBN 978-3-906050-19-5.

Pryys

• 2015: Kasseler Literaturpreis/Förderpreis Komische Literatur^[1]
• 2013: Förderpryys vùm Friedrich-Hölderlin-Preis^[2]
• 2012: Schwyzer Literaturprys für Ustrinkata
• 2011: Bärner Literaturprys für Hinter dem Bahnhof
• 2010: ZKB Schillerpreis für "Sez Ner".
• 2010: Bärner Literaturprys für "Sez Ner".
• 2007: Shortlist Rauriser Literaturpreis mit "Sez Ner".
• 2007: Werkbeitrag vo de Pro Helvetia.
• 2006: Werkbeitrag vo de GiuRu.
• 2003: Publikumspryys vo de Rätoromanische Literaturdääg.
• 2001: Plema d’aur.

Weblink

• Di offizieli Websyte vùm Arno Camenisch
• Arno Camenisch im Lexicon vùm Verein vo de Autorinne ùn Autore vo de Schwyz (ADS)
• S Profil vùm Arno Camenisch ùff de Syte vo de Radiotelevisiun Rumantscha

Fuessnote

1. Die Welt online vùm 30. Septämber 2014 abgruefe am 8. Oktober 2014
2. Homepage Bad Homburg vor der Höhe Ralf Rothmann erhält den Friedrich-Hölderlin-Preis 2013 (Site cha nüme abgrüeft wärde; Suche im Webarchiv) Vorlage:Toter Link/www.bad-homburg.de, abgruefe am 14. Februar 2013.