Dr Armin Diem (* 1. Mai 1903; † 15. Auguscht 1951) ischt an Dorobirar Mundartidichtar gsi und heat ou im Dialekt vo sinara Huamatstadt gschriebo.
| Dialäkt: Doarobirarisch |
Ar ischt am 1. Mai 1903 als jüngschts vo drize Gobo-n-im Schöfle z'Dorobiro-n-i dr Haslstudo-n-uft Wealt ko. Sin Vattr Mathäus Diem ischt an Mexar und Veah-Händlar gsi. Füfe vo sina Gschwüschtriga siand scho als Gobo gschtorbo. Mit achze Johr heat dar Armin sine erschto Gedichtle gschriobo. Wo-nar d'Realschuol fürtig ghio heat, heat ar inar Seago zum schaffa-n-agfango. Bruofle ischt ar denn Förschtar gsi, des mirkt ma-n-ou i sina Gedichtr. Ussr mit Dorobiro heat ar se abr ou dem hiosigo Dialekt und sina bsundriga (orthographischa) Merkmol gwidmat.
Dia letschta vo sina Gedichtr sind 1956 ussarko. Uf a-n-Art wia ma se nid vrgeasso ka, heat ar i ganz viela luschtiga Gedichtr s'Leaba vo da Dorobirar Bura und Holzar beschriaba-n-und zoagat. Mit z-Fliiß heat ar alte Wörtar ibout und ou an alte Grammatik gno, und sin truckna Humor und sine treaffsichore Sproch machand si Weark zu-n-eappas Bsundrigom neabod da-n-andora Mundartdichtar. Dobei heat der uofache Holz-Seagar und Förschter a strenge metrische Form für sine Gedichtr gno. Ou wenn ar alls private us sina Gedichtr ussarghalto heat (odr vilicht grad dromm) ischt dar Armin Diem zumana Symbol vom typisch Dorobirarischo woro.[1] Am fuchzento-n-Auguscht 1951 ist dar Armin Diem denn huomganga.
I dr Haslstuda halt ma-n-in Ehro und heat a Stroß noch eam touft (Armin-Diem-Gasse).
Bekannt siond sine drü Gedichtbänd:
- Bim Brätscha
- Do Pfellar-Pfifar
- Süoslarschnitz
Zwoa Lütt, wo allbot widr i sina Gedichtr uftauchand, sind Sepp und Marte.
A klenne Koschtprob ka ma do abarlado.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
