De Antilochos (altgriech. Ἀντίλοχος) isch i de griechische Mythologi e Soo vom Nestor, wo im Troianische Chrieg umchoo isch.
De Antilochos isch de ältist Soo vom Nestor und vo de Eurydike[1] oder Anaxibia.[2] Er isch de Vatter vom Paion.[3]
De Antilochos isch ann vo de Fraier vo de Helena und hett dromm am Troianische Chrieg mitgmacht.[4] Allerdings söll de Nestor degege gsii sii, as de Antilochos in Chrieg züchi, doch de Achilleus, e Fründ vom Antilochos,[5] het en öberredet. Ase isch er doch no, aber echli spööter, uf Troia choo.[6]
Wo de Nestor im Champf fast töödt woren isch, hett de Antilochos de gschützt, isch debii aber vom Memnon töödt wore.[7][8] De Achilles hett denn de Antilochos gräächt.
De Liichnaam vom Antilochos isch vor Troia verbrennt wore und sini Äsche isch im Graabhügel vo Sigeion vergrabe wore, nebet de Äsche vom Achilleus und vom Patroklos.[9] Wo de Odysseus in Hades ggange isch, hett er de Antilochos zäme mit sinene Fründe Achilleus, Patroklos und Aias gsie.[10]
Noowiis
Literatur
Lingg
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
