From Wikipedia, the free encyclopedia
D Angelina Vogt, no dr Hochzyt Angelina Kappler (* 14. Septämber 1994 z Kahl-Goldschiir) isch 2019/2020 di Dytsch Wyycheenigi gsii.[1] Si isch di eerscht Dytsch Wyycheenigi gsii, wu us dr Minderhait vu dr Sinti un Roma chunnt, un di 10. Dytsch Wyycheenigi us dr Wyyregioon Nahe (Rhyyland-Bfalz),
D Kappler isch z Kahl-Goldschiir in dr Ortenau Z Baade-Wiirtebäärg uf d Wält chuu un ufgwagse. Noch em Abituur am Erneerigswisseschaftlige Gimnaasium z Offeburg het si vu 2013 bis 2017 an dr Uniwersiteet Hoohaim Ernehrigswisseschafte studiert un 2020 bis 2022 e Uusbilig zur Räbbyyri in dr Wyygieter Dönnhoff (Nahe) un Dautermann (Rhyyhesse) gmacht. Si schafft im Wyyguet Weyl z Weinsheim an dr Nahe. Bi irem Aarbetgeeber het si 2022 mit ire eerschte Wyylinie „NEWO“ mit eme Chardonnay us em Barriquefass aagfange.[2] Eerenamtli duet si si yysetze fir Sinti un Roma, unter anderem wääre pro gchaufte Fläsche „NEWO“ 2 € an e Bildigsprojäkt fir jungi Sinti un Roma gspändet.[3]
Im Novämber 2018 isch si fir d Amtszyt vu Novämber 2018 bis Novämber 2019 zur 57. Nahe-Wyycheenigi gweelt woore. Am 27. Septämber 2019 isch si derno im Saalbau z Naistadt an de Waistroß as Noofolgeri vu dr Carolin Klöckner zur 71. Dytsche Wyycheenigi gweelt woore. D Wyybrinzässene in ire zwelfmoonetige sin d Carolin Hillenbrand (Heppenheim) us dr Wyyregioon Hessische Bergstraße un d Julia Sophie Böcklen (Kleingartach) us dr Wyyregioon Wiirtebäärg gsii.
Freiberuefli duet d Kappler Event un Wyybroobe moderiere.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
