From Wikipedia, the free encyclopedia
Dialäkt: Baseldütsch |
Dä Artikel behandlet dr Andlauerhoof an dr Baasler Petersgass. Für anderi Geböid mit em Naame Andlauerhoof lueg doo. |
Dr Andlauerhoof isch e historischs Geböid in dr Altstadt vo Baasel. Es stoot an dr Petersgass 36/38. Es stammt us meerere Epoche und stoot as Ansambel under Dänggmolschutz.[2]
Zum erste Mol wird dr Andlauerhoof im Joor 1424 erwäänt, won er no Laufehoof ghäisse het. Im 15. Joorhundert isch er in d Händ vo dr elsässische Aadelsfamilie vo Andlau choo, und mä het em vo denn aa Andlauerhoof gsäit. 1666 het dr Peter Thierry (1608-1673) im Huus e Siidefärberei iigrichdet.[3] Dr Andlauerhoof het denn verschidnige Kaufmaafamilie ghöört, u. a. de Briiswärks, Vischers, Legrands und Ryhiners.[3]
Im 20. Joorhundert isch en Angroo-Gschäft für Dubakwaare im Geböid dehäi gsi und s Innere isch e baar Mol umbaut worde. Wo mä 2004 archeologischi Usgraabige gmacht het, het mä alti Fundamänt und Räst vo dr Färberei us em 17. Joorhundert und sogar Bachbettsedimänt gfunde.[3]
Im Joor 2010 het mä s Geböid in Stadtwoonige afo umbaue, im Joor druf isch dr Dachstuel aabrennt, aber 2012 si die achtzää nöije Woonige baraat gsi.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.