Anastasius II.

Dr Anastasius II. (* z Rom; † 19. Novämber 498 au dert^[1]) isch vum 24. Novämber 496 bis zue sym Dod Papscht gsii.

Lääbe un Wirke

Dr Anastasius II. isch Reemer un Sun vum Presbyter Petrus gsii. Är het in dr Aafangszyt vu dr oschtgotische Herrschaft unter em Theoderich un in dr Zyt vum Schisma vum Akakios vu Konstantinopel gläbt. Är het si versehnliger zaigt wie syni Vorgänger Felix II. un Gelasius I. un het versuecht, Brucke zue dr Rychschilche unter em Chaiser Anastasios I. z schlaa, was en bim reemische Klerus uubeliebt gmacht un Tadel vum Autor vum Liber Pontificalis yybrocht het. Wäge däm het dr Dante dr Anastasius as Häretiker in dr Hell bschribe. No sym Dod hän d Händel zum Schisma vum Symmachus un Laurentius gfiert.

Us em 17. Johrhundert git s e gfelscht Glickwunschrybe mit sym Name zue dr Daifi vum Frankecheenig Chlodwig I.

Literatur

• Friedrich Wilhelm Bautz: ANASTASIUS II.. In: Biographisch-Bibliographisches Kirchenlexikon (BBKL). Band 1, Hamm 1975, Sp. 157–158.
• Pope Anastasius II. In: Catholic Encyclopedia, Band 1, Robert Appleton Company, New York 1907 (änglisch)
• Adolf Jülicher: Anastasios 6. In: Paulys Realencyclopädie der classischen Altertumswissenschaft (RE). Band I,2, Stuttgart 1894, Sp. 2068.

Weblink

 Commons: Papst Anastasius II. – Sammlig vo Multimediadateie