Alkohole

Alkohol (arabisch الكحول‎, DMG al-kuḥūl, oder الغول‎ / al-ġawl: s Allerfeinste, räini Substanz, äigentlig: fiins Antimonpulver) si chemischi Verbindige, wo äi oder meereri Hüdroxygrubbe (–O–H) häi, wo an alifatischi Choolestoffatom bunde si.^[1] De Alkohol, wo vo de Alkane abgläitet si, säit mä Alkanol. Zum d Alkohol klar vo Halbacetale oder Carbonsüüre abzgränze, cha mä ergänze, ass s Choolestoffatom mit dr Hydroxygrubbe nume no mit Choolestoff- oder Wasserstoffatom daf bunde si.

Die funkzionelli Grubbe vo de Alkohol isch d Hydroxygrubbe, wo blau markiert isch. R isch en Alkyl-Räst, aber kä Aryl-Räst, Acyl-Räst oder e Heteroatom.

Dr HOC-Bindigswinkel im ene Alkohol.

Wenn d Hydroxygrubbe an e Choolestoffatom bunde isch, wo Däil vom ene aromatische Ring isch, so wärde d Verbindigen as Fenol bezäichnet. Si ghööre nit zu de Alkohol,^[2][3] wil die Hydroxygrubbe analog zun ere Carboxygrubbe suur regiere.

Was mä in dr Umgangssprooch under Alkohol verstoot, isch s Ethanol, e drinkbare Alkohol mit dr Summeformle C₂H₆O.

Weblingg

• Mitschnitte von Vorlesungen der Universität Tübingen, Experimentalchemie II, Organische Chemie.
• Schulversuche zum Thema Alkohole
• Lernzirkel Alkohole. In: ZUM-Wiki. Zentrale für Unterrichtsmedien im Internet e. V. [ZUM Internet e. V.], 28. Dezember 2009, archiviert vom Original am 28. Dezember 2009; abgruefen am 7. Februar 2010.