e dytschi Dialäktschriftstelleri From Wikipedia, the free encyclopedia
D Aenne Franz, geb. Mathonet, (* 21. Oktober 1923 z Solingen; † 7. April 2023 au dert) isch e dytschi Dialäktschriftstelleri gsii.
D Aenne Franz isch us ere sozialdemokratische Familie chuu. Ire Vater isch syter 1919 in dr d SPD gsii.[1] In dr NS-Zyt het si ire Rychsarbetsdienscht z Diiringe absolviert. Noch em Chrieg het si ab 1947 z Solingen d SPD un au d Arbeiterwohlfahrt (AWO) wider mit ufböue.[2][3][1] Anne 1949 het si mit em Karl Schröder d Rychskumferänz vu dr AWO z Solingen mitorganisiert.[4] Ab 1967 isch si in dr Dialäktgruppe „De Hangkgeschmedden“ aktiv gsii, vyl Joor as „Baas“ (Schef) vun ere.[5] Gedicht un Gschichte vun ere sin im Solinger Tageblatt un in vier verschidene Anthologie im Verlag B. Boll vereffetligt wore. Si het si au bim Weschtdytsche Rundfunk (WDR) as Dialäktsprächeri engaschiert. Anne 1983 het si Gruppe Rheinischer Mundartschriftsteller Bergisches Land as Regionalgruppe in dr Gruppe Rheinischer Mundartschriftsteller glaitet.[6] Großi Dail vu ire Sammlig mit Dialäkttäxt, au historische, het si em Stadtarchiv Solingen iberloo.[7] Anne 1991 hän De Hangkgeschmedden dr Kulturbryys vu dr Buurgerstiftig Baden fir d Verdienscht um d Bflääg vum Solinger Dialäkt iberchuu.[8] Im Joor 2012 isch si fir di 65-jeerig Zuegherigkait zue dr SPD geert wore.[9]
Aafangs 2013 isch si as Revisori vu dr AWO zrugdrätte het het zum Dank s „uffig Härz“, s Simbol vu dr AWO iberchuu, wu vu dr Jugedhilf-Wärchstatt as Metallchunschtwärch gstaltet wore isch.[10]
Ir persenli aadraiti Eerige wie Bundesverdienschtchryz oder dr Rhylanddaler het si aliwyl abgläänt ghaa.
Vu 1951 bis 1980 isch d Aenne Franz mit em Chaufmann Ernst Franz ghyroote gsii. Di gmainsam Dochter isch d Schurnalischti Renate Franz. Am 7. April 2023 het d Aenne Franz im Alter vu 99 Johr d Auge fir immer zuegmacht.[11][12]
Iber vyl Joorzeent dure sin iri Gedicht unter anderem in dr Anthologie vu dr Hangkgeschmedden[13] erschine:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
