Dr Zitral (* z Birsfälde, bürgerlig Fabio Di Profio, vermuetlich Johrgang 1982)[1][2] isch e Schwiizer Rapper. Er isch Mitgliid bim Basler Blattelabel Triple Nine Recordings.
| Dialäkt: Baseldütsch |
Scho in dr Sekundarschule het dr Birsfälder sini erste Schritt im Rap gmacht. Er isch as Freestyle-Rapper in Schuel- und Jugendhüüser ufdräte. Denn si ersti Live-Ufdritt im Summerkasino cho. Noch Features bi Basler Hip-Hop-Crews wie Taktpakt oder Freakaonid het er 2000 dr Jean Luc Saint Tropez kenneglehrt, wo au as Maggi bekannt isch. Mit däm zsämme het er d Band "Stuuberocker" gründet. Die isch im Johr 2001 uf ä 3. Blatz bim regionale Bandcontest "Sprungbrett" choo. 2002 isch die ersti und bis jetzt einzigi Veröffentligung vo Stuuberocker uusechoo, d Maxi "Ohni Scheiss". Denn het er under anderem uf em Brandhärd siiner Survival of the Hartnäckigscht (Breitegrad, 2004) und Zeiche setze (7-Sieche, 2005) gfeatured. Vo denn aa het dr Zitral ehnder as Solo-Künstler Ufmerksamjeit erregt. Im Johr 2005 isch d CD Ai Daag in Basel erschiine, vom Zitral und vom DJ Mars zsämme. Do druf het dr Zitral au e baar mol grappt. Drotz siiner Karriere as Rapper het er au witerhi as Freestyler für Furore gsorgt. So het er 2005, 2006 und 2007 in dr Schwiiz dr Battle vo de Kantön gwunne. 2007 isch dr Zitral as Gastrapper uf em Brandhärd-Album Brandrenalin im Song "Zrugg uf e Karton" ufdräte. Er isch au uf de beide Triple-Nine-Recordings-Sampler "giftig" (2007) und "dräggig" (2009) verdräte.
Albe
- 2002: Ohni Scheiss (EP, "Stuuberocker")
- 2005: Ai Daag in Basel (mit em DJ Mars)
- 2007: Giftig (zsämme mit Triple Nine Recordings)
- 2009: Dräggig (zsämme mit Triple Nine Recordings)
- 2011: Das isch Macht (FCB-Maischtertrack 2011) (zsämme mit Triple Nine Recordings)
- 2012: Fahne und Füür (FCB-Maischtertrack 2012) (zsämme mit Triple Nine Recordings)
- 2013: Kämpfe bis zum Schluss (FCB-Maischtertrack 2013) (zsämme mit Triple Nine Recordings)
- 2014: Gschichte wärde gschriebe (FCB-Hymne zum Rückrundenauftakt) (zsämme mit Triple Nine Recordings)
- 2014: Fünf (FCB-Maischtertrack 2014) (zsämme mit Triple Nine Recordings)
- 2014: Rapmusig (1. Soloalbum)[2]
Sustigs
- 2006: Vu billig (uf Swisstime - Sampler vom DJ Dilate)
- 2008: Hammrgspann (Freetrack Abart feat. Zitral)
- di offiziell Website
- Offizielli Myspace-Site
- Biografii vo TripleNine.ch
- Zitral: Rap ohne Zeigefinger, dafür mit Herz und Humor 20-Minute-Bricht vom 25. Augste 2005
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
