D Yongle-Enzyklopedii (chin. Die Seite Vorlage:Hant/styles.css hat keinen Inhalt.永樂大典 / Die Seite Vorlage:Hans/styles.css hat keinen Inhalt.永乐大典, Yǒnglè Dàdiǎn) isch e bedütendi chinesischi Enzyklopedii us em 15. Joorhundert (Ming-Dünastii), und gältet as d die berühmtisti Enzyklopedii us em chinesische Alterdum. Mee as 3'000 Gleerti häi anere gschafft und si isch 1408 fertig worde. S Wärk umfasst 22'877 Faszikel bzw. 11'095 Bänd.[1] S Voluume vom Manuskripte söll 40 m³ grooss gsi si, s wurd ere Regaallengi vo mee as 300 m entspräche.
Übersicht
S Original-Manuskript vo dr Yongle-Enzyklopedii, wo am Kaiserhoof ufbewaart worde isch, isch uf e müsteriöösi Wiis verschwunde, es existiert nume non e Abschrift, und die isch im Lauf vo de säggs Joorhundert verstümmlet und schweer beschädigt worde. Uf dr ganze Wält git s hüte nume no öbbe 400 Bänd, also öbbe vier Brozänt vom Gsamtwärk; vo deen befinde sich 221 in China.[1] Die chinesischi Nazionalbibliothek sammlet sit 1912 d Räst vo dr Enzyklopedii und brobiert sit 2002, d Fragmänt z restauriere.
Wie und wo aane s Original verschwunde isch, wäiss mä nid; es git vier Hüpotheese:
- Es isch im ene Brand z Nanjing im Joor 1449 zerstöört worde;
- es isch im Balast vo dr himmlische Räinhäit in dr Verbotene Stadt under dr Regäntschaft vom Kaiser Jiaqing zur Zit vo dr Qing-Dünastii verbrennt;
- es isch mit dr kaiserlige Bibliothek (Wenyuange) in dr Verbotene Stadt am Ändi vo dr Ming-Dünastii zerstöört worde;
- es isch versteggt worde.
Fuessnoote
Weblingg
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
