From Wikipedia, the free encyclopedia
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Weimar isch e kräisfreiji Stadt z Thüringe in Dütschland, wo für iir kulturells Erb bekannt isch.
| Wappe | Dütschlandcharte | |
|---|---|---|
 |
| |
| Basisdate | ||
| Bundesland: | Thüringe | |
| Höchi: | 208 m ü. NHN | |
| Iiwohner: |
65.620 (31. Dez. 2022)[1] | |
| Poschtleitzahle: | 99423, 99425, 99427, 99428 | |
| Vorwahle: | 03643, 036453 | |
| Kfz-Chennzeiche: | … | |
| Gmeischlüssel: | 16 0 55 000 | |
| LOCODE: | DE WMR | |
| NUTS: | DEG05 | |
| Stadtgliderig: | 12 Ortsdäil | |
| Adress vo dr Stadtverwaltig: |
Schwanseestraße 17 99423 Weimar | |
| Webpräsenz: | ||
| Oberbürgermäister: | Peter Kleine (bardeilos) | |
| D Laag vo dr Stadt Weimar z Thüringe | ||
 | ||
Es isch e Middelstadt und lit am ene Booge vo dr Ilm südöstlig vom Ettersbärg, wo mit 478 Meter dr höggst Punkt im Thüringer Becki isch. D Stadt het öbbe 65'000 Iiwooner (2021) und isch noch Erfurt, Jena und Gera die viertgrössti Stadt z Thüringe.
Weimar isch e Middelzentrum, wo zum Däil Funkzioone vom ene Oberzentrum erfüllt, und sich sit 2004 Uniwersidäätsstadt säit. Nääbe dr «Bauhaus-Uniwersidäät» isch au d «Hochschuel für Muusig Franz Liszt» und d «Herzogin Anna Amalia Bibliodeek» dört dehäi, und Behörde wie s Thüringer Oberverwaltigsgricht, s Thüringer Landesverwaltigsamt, dr Thüringer Verfassigsgrichtshoof und s Thüringische Landesamt für Dänggmolpflääg und Archeologii.
Weimar isch sit 1547/52 Haupt- und Residänzstadt vom Herzogdum Saggse bzw. Saggse-Weimar, spööter Saggse-Weimar-Eisenach (sit 1815: Groossherzogdum) gsi. Es isch 1816 dr erst Staat z Dütschland gsi, wo sich e Verfassig gee het. Paralleel zur Daaging vo dr Nazionaalversammlig vom 6. Februar 1919 bis zum Septämber 1919 isch Weimar au dr Sitz vo dr Regierig vo dr Weimarer Republik gsi, wo sich denn konstituiert het.[2] Vo 1920 bis 1952 isch Weimar d Hauptstadt vom Land Thüringe gsi. 1999 isch si d Kultuurhauptstadt vo Öiropa gsi.
Im 16. Joorhundert häi d Kunstmooler Lucas Cranach dr Elter und dr Jünger z Weimar gschafft. Im 17. Joorhundert isch die Fruchtbringendi Gsellschaft gründet worde. Im 18. Joorhundert het dr Johann Sebastian Bach immer wider emol z Weimar gschafft. Denn isch d Weimarer Klassik mit em Wieland, Goethe, Herder und Schiller choo. S 19. Joorhundert isch verbunde mit em Franz Liszt, Richard Strauss, Friedrich Nietzsche und de Landschaftsmooler vo dr Weimarer Moolerschuel an dr Groossherzoglig-Säggsische Kunstschuel. Am Aafang vom 20. Joorhundert häi dr Harry Graf Kessler und dr Henry van de Velde z Weimar gschafft und s Bauhaus und d Weimarer Republik gründet.
D UNESCO het d Bauhaus-Stett in Weimar und Dessau 1996 und s «klassische Weimar» im Dezämber 1998 zum Wältkultuurerb erkläärt.[3] Au dr Noochlass vom Goethe, wo im Goethe- und Schiller-Archiiv z Weimar ufbewaart wird, isch 2001 vo dr UNESCO in s kulturelle Gedächtnis vo dr Menschhäit as Wältdokumänterb (Memory of the World) ufgno worde. Zum Wältdokumänterb ghööre sit 2015 au früeji Schrifte vo dr Reformazioon, won e Däil von ene in dr Herzogin Anna Amalia Bibliotheek z Weimar ufbewaart wärde. In über 25 Museum und Usstelligsort wird s kulturelle Erb vo nazionaalem und internazionaalem Rang usgstellt.
S «Klassische Weimar» as UNESCO-Wälterb umfasst elf verschiideni Dänggmööler in dr Stadt Weimar. Es isch en äinzigartigs Zügnis von ere vergangene Kulturepoche, wo immer no Iifluss het, dr «Weimarer Klassik», mit iirere hööfische und bürgerlige Kultur, wo us dr öiropäische, bürgerlige Ufkläärig uusegwaggse isch.
Weimar im dütschsprochige Wikisource
