es Dorf und en Ortsteil vo Rappi-Jone From Wikipedia, the free encyclopedia
Waage isch en Vorort vo Jona und ghört sit de Fusion im Jahr 2007 zu Rapperschwil-Jona.
S SG im Lemma isch s offiziell Chürzel vom Kanton Sanggalle und wird bruucht, zum Verwächslige mit Yträäg vom Name Wagen vermyde, wo öppis anders meined. |
Wagen | |
---|---|
![]() | |
Basisdatä | |
Staat: | Schwiiz |
Kanton: | St. Galle (SG) |
Wahlchrais: | See-Gaschter |
Gmeind | Rapperschwil-Jona |
PLZ | 8646 |
Koordinate: | 709632 / 232135 |
Höchi: | 429 m ü. M. |
![]() Chile Sankt-Wendelin im Zentrum vo Waage | |
Charte | |
BEMERKUNG_KARTE= |
De Ort isch ländlich und uf em Gebiet vo Jona. Waage isch am öschtliche Rand vom Gmaindsgebiet, zwüsched Eschebach und em Rapperschwil-Joner Ortsteil Erle glege. D Ortschaft isch zwüsched zwei Hügelzüg, em Curtibärg im Norde und ere langzogne, dicht bewaldete Erhöchig, wo Waage vo Bollinge und em Zürisee trennt. Zum Dorf Waage ghöred nonig so alti Sidlige am Berghang vom Curtibärg.
S Dorf isch teilwis vo Wald umgeh. D Landschaft het vil Wise. Entwässeret wird s Gebiet dur de Wagnerbach, wo nordöstlich vom Chloschter Wurmsbach in Obersee flüsst.
Scho im Johr 870 isch Waage s erscht Mal urkundlich erwähnt worde. D Gegend vo Jona isch scho vo de Kelte und Römer besidlet worde. Mer hät archäologischi Bewiis gfunde, under anderem de römisch Guetshof Salet.[1]
Z Waage häts es Lädeli, es Reschtarant und e Primarschuel mit eme Chindergarte. Bis im Mai 2005 häts e Poscht gha, wo jetzt als Agentur im Dorflädeli betribe wird.[2] Es sind au e paar Buure- und Holzverarbeitigsbetriib döt beheimatet.
Waage isch am öffentliche Verchehr agschlosse, obwohls kän Bahnhof hät. De LinthBus fahrt halbstündlich (i de Hauptverchehrszite viertelstündlich) über Jona uf Rapperschwil, wo mer a beid Ort Aschlüss ad S-Bahn Züri hät: z Jona ad S5 und S15, z Rapperschwil ad S7 und S40 (uf Einsidle). Z Rapperschwil häts au Schnellzüg uf San-Galle und Luzern.
Z Waage sölls scho vor me as 1000 Johr es Gotteshuus gha ha. Im Johr 1951 hät d Kapällgnosseschaft beschlosse, di alt Kapälle, wo 1698 em hailige Wendelin gwait worden isch, dur en Neubau z ersetze. I de Folg vo de Liturgiireform vom 2. Vatikanische Konzil (1962-1965) isch d Kapälle inne renoviert und umgstaltet worde. D Kommunionbänk hät me usegnoo und d Chanzle dur en Ambo ersetzt. De neu Zelebrazionsaltor isch am Oschtermäntig 1980 iigsägnet worde. I de Kapälle St. Wendelin warded nüme jedes Wuchenändi Gottesdienst abghalte. S Gotteshuus wird dur di katholisch Chilägmäind Rappi-Jona underhalten und isch im Summer 1998 s letschte Mal restauriert worde.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.