From Wikipedia, the free encyclopedia
D' Vastitas Borealis (lat. fier polari Wüste) isch die gröscht Diefebeni uffem Mars. In dr nördliche Breitegrade gläge umgit die guet 4 bis 5 km underem middlere Oberflächeniveau gläge Region dr gsamt Nordpol vum Mars und reicht bis guet 40-50° nördlicher Breiti nooch Süde; s'Diefland sälber got stellewiis bis zum Äquator.
Dialäkt: Markgräflerisch (Ebringe) |
Im Gegesatz zue dr südliche Hemisphäri isch d'Vastitas Borealis bemerkenswert ebe un kraterarm. Es isch durus möglich, dass d'Vastitas borealis s'Becke vume früehe Marsozean gsi isch, wu aber scho in dr erste Johrmilliarde vum Mars usdrichnet isch.
D'Vastitas Borealis het zwei Bassins, s'Nordpolar-Bassin un s'Utopia Bassin, wo in d'Utopia Planitia ibergoht.
D'Chüstelinie vum früehe Marsozean, in der no au d'Valles Marineris entwässeret ha müesste, isch Gegestand vu viile Spekulatione under dr Geologe.
Im britische Wisseschaftsmagazin Nature[1] stelle einigi Astronome d'Hypothese vor, dass s'Borealis-Becke dur e Ischlag vu eme im Durchmesser guet 2000 km grosse Körper entstande sei. Demit wär es noch vor em Südpol-Aitken-Becke uffem Erdmo dr gröscht Ischlagskrater im Sunnesystem.
Am 25. Mai 2008 isch in dr Vastitas Borealis d'NASA-Sonde Phoenix glandet. Zue sellere Zit isch uf dr Nordhalbchugle vum Mars Früehsummer gsi. Mer rechnet demit, dass sälli stationär Sonde guet drei Erdmunät aktiv blibe cha, bevor si no ifriert, wil d'Temperature im Herbscht no z'dief blibe werre un d'Elektronik drum no durhaft ifriere wird.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.