From Wikipedia, the free encyclopedia
Tunis (arabisch تونس, DMG Tūnis, tamazight ⵜⵓⵏⵙ Tunes ) isch d Hauptstadt vu Tunesie und Browinzhauptstadt vum glychnamige Gouvernemänt. Si isch di greschti Stadt vu Tunesie und im Johr 2014 het si 1.056.247 Yywohner gha. I dr Agglomerazioon hets öppe zwöi Millione Yywohner (Juni 2014).[2] Ihre historische Chärn, d Médina, stoot uf dr UNESCO-Wältärb-Lischte.
تونس Tunis | |||
---|---|---|---|
| |||
Koordinate | 36° 48′ N, 10° 11′ O | ||
Basisdate | |||
Staat | Tunesie | ||
[[|]] | |||
Gouvernemänt | Tunis | ||
Höchi | 4 m | ||
Flechi | 21.263 km² | ||
Iiwooner | 1.056.247 (2014[1]) | ||
Dichti | 49,7 Ew./km² | ||
Poschtleitzahl | 1000 - 2092 | ||
Website | www.commune-tunis.gov.tn | ||
Politik | |||
Burgermeischter | Seifallah Lasram | ||
Kultur | |||
Partnerstedt | siihe hier | ||
d Avenue Habib Bourguiba mit dr Kathedrale, wo em Hl. Vinzenz vo Paul gweiht isch (linggs) |
Nachdäm d Stadt e bscheides Dorf im Schatte vu Karthago, Kairouan und denno Mahdia gsi isch, isch si am 20. Septämber 1159 (5. Ramadan 554 vum muslimische Kaländer) under dr Regierig vu dr Almohaade als Hauptstadt gnännt worde. Ihre Status isch denoo im Johr 1228 vu de Hafside und ou noo dr Unabhängigkeit vu Frankrych am 20. Merz 1956 bstetigt worde.
Tunis isch äbefalls di ökonomisch und kommerziälli Hauptstadt vu Tunesie. Ihres dichte Stroosse- und Autobaannetz und ihri relativ fortgschrittene Flugaabindige mache si zum ene Konvergänzpunkt vum Nationalvercheer. Die Situazioon isch e Ergäbnis vun ere lange zäntralistische Bolitik, wo doderzue biidrage het, dass mer alli wichtigi Instituzioone z Tunis finde chan.
Im Louf vum 20. Johrhundert het sich d Agglomerazioon usserhaub vu dr Gränze vu dr Gmeind erwiiteret. Zurziit erstreckt sich Tunis öber vier Gouvernorat: Tunis, l’Ariana, Ben Arous und La Manouba, und wird s grosse Tunis gnännt.
Im Johr 2017 het Tunis uf em 113. Blatz vu dr Wältranglischte vu dr läbeswertischte Stedt und uf em 1. Blatz z Nordafrika gstande.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.