![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d0/PikiWiki_Israel_1112_hadera_%25D7%2599%25D7%259C%25D7%2593%25D7%2595%25D7%25AA_%25D7%25A8%25D7%2595%25D7%25A7%25D7%2593%25D7%2595%25D7%25AA.jpg/640px-PikiWiki_Israel_1112_hadera_%25D7%2599%25D7%259C%25D7%2593%25D7%2595%25D7%25AA_%25D7%25A8%25D7%2595%25D7%25A7%25D7%2593%25D7%2595%25D7%25AA.jpg&w=640&q=50)
Tu B’Av
s jüüdische Fest vo dr Liebi / From Wikipedia, the free encyclopedia
Tu B’Av (hebräisch ט״ו באב, dütsch 15. Aw) isch e chliine jüüdische Fiirdig, wo in dr Vollmondnacht zwüschen em 14. und 15. Daag vom Monet Aw afoot. Er gältet as Fröidedaag, wil er sit dr Zit vom Tämpel z Jerusalem dr Aafang vo dr Wiilääsi sümbolisiert und dr Jom Kippur s Ändi. An dene bäide Dääg häi die leedige Mäitii vo Jerusalem wissi Chäider aazooge und si in d Wiibärg go danze. S Drakdaat Ta’anit 30b-31a verzellt au, ass es käni frööligere Fiirdig für d Juude gäb as dr Tu B’Av und dr Jom Kippur. Dorum wird er hüte z Israel as s Fest vo dr Liebi (Hebräisch: חג האהבה, Hag HaAhava) begange, äänlig zum Valentinsdaag im angelsäggsische Ruum.
![Thumb image](http://upload.wikimedia.org/wikipedia/commons/thumb/d/d0/PikiWiki_Israel_1112_hadera_%D7%99%D7%9C%D7%93%D7%95%D7%AA_%D7%A8%D7%95%D7%A7%D7%93%D7%95%D7%AA.jpg/320px-PikiWiki_Israel_1112_hadera_%D7%99%D7%9C%D7%93%D7%95%D7%AA_%D7%A8%D7%95%D7%A7%D7%93%D7%95%D7%AA.jpg)
Dr Daag erinneret au an e baar historischi Eräigniss. Zu dene ghööre zum Bischbil dr Siig vo de Farisäer über d Sadduzäer und d Erlaubnis, d Aahänger vom Bar Kochba, wo in Betar gfalle si, z begraabe.
Die ersti offizielli Erwäänig vom Tu B’Av findet mä in dr Mischna am Ändi vom zwäite Joorhundert. Es handlet sich um kä dradizionelle Fiirdig, sondern um e normale Aarbetsdaag, au wenn in dr Nacht vorhär vil gsunge und danzt wird.