e spanische Groossinkwisitor From Wikipedia, the free encyclopedia
Dr Tomás de Torquemada (* 1420 z Valladolid; † 16. Septämber 1498 z Ávila) isch e spanische Dominikaner, Biichtvater vo dr Isabella vo Kastilie und dr erst Groossinkwisitor vo Spanie gsi.
Dr Tomás de Torquemada isch uf e Dominikanerkonwänt San Pablo in sinere Geburtsstadt Valladolid gange und isch spööter Prior vom Chloster vo Santa Cruz, Browinz Segovia worde. Er het groosse politische Iifluss as Berooter und Biichtvater vo dr Köönigin Isabella I. und em Köönig Ferdinand II. ghaa. 1478 isch er Inkwisitor für Kastilie worde und 1483 het s Köönigsbaar bim Bapst Sixtus IV. duuregsetzt, ass er zum erste Groossinkwisitor vom Köönigriich Aragón ernennt worde isch. Spööter isch er au für Kastilie verantwortlig gsi und vo 1484 aa schliesslig für ganz Spanie.
Er het z Spanie en äigene inkwisitorische Verwaltigsapparat ufbaut, dr Grundstäi für die Spanischi Inkwisizioon, wo denn bis ins 19. Joorhundert bestande het. S Ziil und d Opfer vo de inkwisitorische Verfolgige si usser Heretiker in erster Linie d Conversos und d Moriscos gsi, Jude beziejigswiis Maure, wo zum Christedum konwertiert häi.
Dr Tomás de Torquemada het u. a. s Chloster Santo Tomás z Ávila gründet, won er 1498 gstorbe isch. 1836 isch si Graab z Ávila ufbroche und sini Chnoche si verbrennt worde, so wien er s mit sine Opfer au gmacht het.
Dr Tomás isch dr Nöwöö vom Juan de Torquemada, wo äine vo de brominäntiste Verdräter vo de papalistische Posizioonen uf em Baasler Konzil gsi isch.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
