Dr Thomas Newcomen (* 26. Februar 1663 z Dartmouth; † 5. August 1729 z London) isch en änglische Erfinder gsi.
![Thumb](http://upload.wikimedia.org/wikipedia/commons/thumb/8/8e/Newcomens_Dampfmaschine_aus_Meyers_1890.png/320px-Newcomens_Dampfmaschine_aus_Meyers_1890.png)
![Thumb](http://upload.wikimedia.org/wikipedia/commons/thumb/1/16/Newcomen_atmospheric_engine_animation.gif/320px-Newcomen_atmospheric_engine_animation.gif)
D Dampfmaschine vom Newcomen het e Wasseriisprützig benutzt, zum dr Wasserdampf im Zylinder z chüehle und es lot kondensiere. Dodrdur isch im Zylinderruum en Unterdruck entstande, so dass dr Luftdruck, wo vo usse uf e Cholbe gwirkt het, dä wiider in dr Zylinder ine gschobe het. Das isch e grossi Verbesserig gsi gegenüber de Maschine, wo bis denn bruucht worde si, wil die einfach gwartet hai, bis dr Inhalt im Zylinderruum über s Material vom Cholbe und vom Zylinder as Wermileiter vo sälber wider abküehlt und eso dr Dampf kondensiert het. Im Newcomen si Erfindig het eso dütlig höcheri Cholbetakt möglig gmacht.
Aber au eso isch dr Wirkigsgrad vo dr Maschine mit nume 0,5 Prozänt sehr niidrig gsi. Trotzdäm si d Dampfmaschine vom Newcomen erst geges Ändi vom 18. Johrhundert vo de Dampfmaschine vom James Watt verdrängt worde.
D Ventil zum Iineloo vom Dampf und zum Iisprütze vom Chüehlwasser in dr Zylinder si am Afang vo Hand bedätigt worde. Eine vo de Buebe, wo das gmacht hai, dr Humphrey Potter, het 1712 oder 1713 d Idee gha d Ventil vo dr Maschine sälber lo uf- und zuemache. Er het dr Balancier(balke), wo ufe- und abe gangen isch, mit Schnüer mit de Hähne verbunde und het eso die automatischi Stüürig erfunde.[1] [2]
- Rhys Jenkins: Savery, Newcomen and the Early History of the Steam Engine in The Collected Papers of Rhys Jenkins. Newcomen Society, Cambridge 1936, S. 48–93.
- Lionel Thomas Caswell Rolt: Thomas Newcomen. The Prehistory of the Steam Engine. 1. Auflage. David & Charles, Dawlish 1963, S. 158.
- Lionel Thomas Caswell Rolt, John S. Allen: The Steam Engines of Thomas Newcomen. 2. Auflage. Moorland Publishing Company, Hartington 1977, ISBN 0-903485-42-7, S. 160.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.