The Washington Post [ðə ˈwɑʃɪŋtən poʊst](info) (kurz The Post, WaPo odd’r WP) ìsch d’ greeschta Tààgszittung z’ Washington, D.C., dr Hàuiptschtàdt vu da USA.[2][3] Sa ìsch ànna 1877 grìnda worra; domìt ìsch sa d’ äältschta Zittung, wo noch hìtt z’ Washington ärschiint. Bis 2013 ìsch sa Tail vu dr Washington Post Company gsìì. Àm 5. Àuigscht 2013 ìsch d’ Zittung àn dr Amazon-Grìnder Jeff Bezos verkàuift worra.[4] Dr Wààhlschpruch vu dr Zittung ìsch Democracy Dies in Darkness (anglisch fìr „Demokràtii schtìrbt ìm Fìnschterniss“).[5]
D’ Washington Post wìrd àls aina vu da bäschta Zittunga vu da USA ààglüagt.[6][7][8] Bis 2020 hàt sa 65 Pulitzer-Priisa g’wunna — numma d’ New York Times hàt noch meehr bikumma.[9][10] Üsserdam hann d’ Post-Schurnàlìschta 18 Nieman Fellowships bikumma. Sa sìnn àui 368 mool vum White House News Photographers Association (em Fotogràfbund vum Wiissa Hüüs) üsszaichent worra.[11] D’ Washington Post ìsch vor àllem fìr siina Àrtìkel ìwwer Politik bekànnt. ’S ìsch aina vu da weeniga àmerikàànischa Zittunga, wo àui Büroo ìm Üsslànd hàt[12] — naamlig z’ London un Seoul.[13]