![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/55/Stepan_Bandera_photo.jpg/640px-Stepan_Bandera_photo.jpg&w=640&q=50)
Stepan Bandera
From Wikipedia, the free encyclopedia
Dr Stepan Andrijowytsch Bandera (urkàinisch Степан Андрійович Бандера, wìss. Trànslitteràzioon Stepan Andrijovyč Bandera; * 1. Janner 1909 z’ Staryj Uhryniw, Gàlizia, Eeschtriich-Ungàrn; † 15. Oktoower 1959 z’ Mìncha) ìsch a nàzionàlistischer ukràinischer Politiker un Pàrtisàn gsìì. Ar ìsch Ààfiahrer gsìì vum rachtsextreema, terroristischa Flììgel vu dr OUN, dr OUN-B.
![Thumb image](http://upload.wikimedia.org/wikipedia/commons/thumb/5/55/Stepan_Bandera_photo.jpg/640px-Stepan_Bandera_photo.jpg)
![Ìm Stepan Bandera siina Unterschrìft](http://upload.wikimedia.org/wikipedia/commons/thumb/1/10/Stepan_Bandera_sign.svg/170px-Stepan_Bandera_sign.svg.png)
Dialäkt: Mìlhüüserdiitsch |
Ànna 1934 ìsch dr Bandera ìn Poola waaga dr Ärmordung vum polnischa Ìnnaminìschter Bronisław Pieracki verurtailt worra, àwwer ìsch noh-n-em Ààfàng vum Zwaita Waltkriag fräigloo worra. Ar hàt àm Ààfàng mìt dr diitscha Wehrmàcht gschàfft, un siina OUN-B-Miliza hann noh-n-em Iimàrsch vu dr Wehrmàcht ìn Lemberg tailwiis dr Polizäigwàlt ìwwernumma. Sa hann mààsgaawend züa da Pogroma geega d’ jìddischa Beväälkerung biitrajt un hann unter àndrem Verhàftunga un Màssa-n-ärschiassunga fìr d’ Nàzis vorberaita.
Wu àndra Mìtglììder vu dr OUN a unàbhangiger Schtààt hann wälla grìnda, hàt sìch dr Bandera verwaigert, d’ Ärkläärung ruckgàngig z’ màcha. Àlso hàt’na d’ Gestapo vu Jüüli 1941 bis ìm Septamber 1944 ìm KZ Sàcksahüüsa-n-àls Eehrahäftlìng — dàs haisst mìt bassera Hàftbedìngunga — ìnhàftiart. Ìn dr gliicha Zitt sìnn zàhlriicha vu siina Ààhanger verhàfta un ìn Konzentràzioonslààger verschläppt odd’r sogààr vu dr SS àbgschossa worra. Noh-n-em Zwaita Waltkriag ìsch dr Bandera z’ruck ìns Diitschlànd gflìchta un ìsch ìn dr Sowjetunioon ìn Àbwaasahait zem Tood verurtailt worra. Ar ìsch ànna 1959 ìn Mìncha vu’ma KGB-Àgant umbrocht worra.
Um Bandera ìsch bis hìtt a Pärsoonavereehrung betrììwa worra. Màncka Histooriker sààga, àss dia Vereehrung a Àrt vu Fàschìschmus ìsch. Àm 20. Janner 2010 ìsch dr Stepan Bandera dur a Ààlàss vum ukràinischa Schtààtspresidant Wiktor Janukowytsch àls „Häld vu dr Ukràina“ üssgschproocha worra.[1]
![Thumb image](http://upload.wikimedia.org/wikipedia/commons/thumb/d/d9/Bandera_plast_1923.jpg/170px-Bandera_plast_1923.jpg)
![Thumb image](http://upload.wikimedia.org/wikipedia/commons/thumb/7/70/Stamp_of_Ukraine_Stepan_Bandera_100_years_cropped.jpg/640px-Stamp_of_Ukraine_Stepan_Bandera_100_years_cropped.jpg)