From Wikipedia, the free encyclopedia
D’ Sara Balzer (* 3. Àwril 1995 z’ Schtroossburi, Unt’relsàss) ìsch a frànzeescha Fachtera, wo mìt’m Sàwel kampft.
| Dialäkt: Mìlhüüserdiitsch |
D’ Sara Balzer hàt ààgfànga, z’ Schtroossburi Fachtkunscht z’ schpìela, ìm Àlter vun àcht Joora. Sa ìsch lìnkshandig. Sitter ìhrem Ààfàng ìsch sa bim Verain Strasbourg Université Club.
Ànna 2009, wo sa 14 Joora àlt gsìì ìsch, hàt sa d’ frànzeescha Maischterschàft vu da M17 gwunna.
Àb ànna 2013 ìsch d’ Balzer ìns Nàzionàlìnschtitüt fìr Schport, Güatàchta un Laischtung (INSEP) vu Pàris gànga — d’rwillscht ìsch sa àwwer ìm Strasbourg UC gblìewa. Zwai Joora schpeeter ìsch sa Mìtglìed worra vu dr frànzeescha Senior-Nàzionàlmànnschàft.[1] Ìm Jüni 2017 hàt d’ Balzer ìhra ärschta Nàzionàlmaischterschàft ìn dr Senior-Klàssa gwunna. Ìm gliicha Monet hàt sa bi dr Öiropàmaischterschàft vum Sàwel Mànnschàft a Bronza-n-üsszaichnung bikumma, zamma mìt dr Cécilia Berder, dr Manon Brunet un dr Charlotte Lembach. Ànna 2017 ìsch sa àm 2. Plàtz vu dr frànzeescha Mannschàftamaischterschàft ànakumma. Bi da Waltmaischterschàfta vu Jüli 2017 z’ Leipzig hàt sìch d’ Balzer àm vordera Kritzbànd verlätzt, wänn sa ìn dr Àchtelfinàla gega d’ Itàlianera Irene Vecchi düa kampfa hàt.[2] Wagadam hàt sa wahrend zehn Moneta nìt känna schpìela. Ìns Wättbewarb ìsch sa ìm Mai 2018 z’ruckkumma, fìr d’ Kwàlifikàziona fìr d’ Waltmaischerschàfta z’ Moschkau.[1] Àn da Summer-Universiade vu 2019 z’ Neàpel hàt sa a Guldiga-n-üsszaichnung fìrs Sàwelainzel gwunna, so wia-n-a Sìlwerüsszaichnung fìrs Sàwel Mànnschàft.[3] Ìm gliicha Joor ìsch sa nochamol frànzeescha Vìzamaischtera gsìì vum Sàwel Mànnschàft.
Fìr d’ Olìmpischa Summerschpìela vu 2020 z’ Tokio ìsch d’ Balzer üssgwählt worra àls Ärsàtzfràui vu dr frànzeescha Sàwelmànnschàft.[4][5] Doo hàt sa mìt dr frànzeescha Mànnschàft a Sìlwerüsszaichnung bikumma.[6][7] Bim Andschpìel gega s’ Rüsslànd hàt sa d’ Charlotte Lembach ärsätzt.[6]
D’ Sara Balzer hàt àm CNED[3] a BTS-Àbschluss vu da Kundabeziahunga un vu dr digitàla Kommünikàzion bschtànda.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
