From Wikipedia, the free encyclopedia
Rio de Janeiro [ˈʁi.u d(ʒi) ʒɐˈne(j)ɾu] isch die zwäitgrössti Stadt z Brasilie und d Hauptstadt vom Bundesstaat Rio de Janeiro. Si lit an dr Guanabara-Bucht im Südoste vom Land. Dr Naame (portugiisisch für „Januar-Fluss“) chunnt drvo, ass dr Seefaarer Gaspar de Lemos, wo d Bucht am 1. Januar 1502 entdeggt het, si für d Mündig vom ene groosse Fluss ghalte het.
Rio de Janeiro | |||
---|---|---|---|
| |||
Koordinate | 22° 54′ S, 43° 12′ W | ||
![]() | |||
Symbole | |||
| |||
Basisdate | |||
Staat | Brasilien | ||
Rio de Janeiro | |||
Höchi | 31 m | ||
Flechi | 1182 km² | ||
Metropolregion | 6567 km² | ||
Iiwooner | 6.320.446 (1. August 2010[1]) | ||
Metropolregion | 11.875.063 (1. August 2010[2]) | ||
Dichti | 5.347,2 Ew./km² | ||
Metropolregion | 1.808,3 Ew./km² | ||
Poschtleitzahl | 20000-000 bis 28990-000 | ||
Website | www.rio.rj.gov.br | ||
Politik | |||
Burgermeischter | Marcelo Crivella | ||
Partei | PRB | ||
![]() |
Im administrative Stadtgebiet lääbe öbbe 6,3 Millione Lüt (2010).[1] D Metropolregion het 11,9 Millione Iiwooner (2010).[2]
Bis 1960 isch Rio de Janeiro d Hauptstadt vo Brasilie gsi, denn het Brasília die Funkzioon übernoo. Rio isch aber noch São Paulo s bedütendste Handels- und Finanzzentrum im Land. De Iiwooner vo dr Stadt säit mä Cariocas. Das chunnt vom ene Wort us dr Sprooch vo de Tupinambá, wo zum Tupí-Guaraní ghört. Es bedütet „Hütte vom wisse Maa“.
D Woorzäiche vo Rio de Janeiro si dr Zuckerhuet, die 38 Meter hoochi Christusfigur uf em Gipfel vom Corcovado und dr Strand vom Stadtdäil Copacabana, wo äine vo de berüemtiste uf dr Wält isch. D Stadt isch au bekannt wägen em Karneval vo Rio, wo jeedes Joor stattfindet. D Paraade vo de Sambaschuele ghöört zu de gröösste Paraade uf dr Wält.