![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/1f/Average_prokaryote_cell-_de.svg/langals-640px-Average_prokaryote_cell-_de.svg.png&w=640&q=50)
Prokaryote
From Wikipedia, the free encyclopedia
D Prokaryote (Prokaryota), mä säit ene au Prokaryonte (Prokaryonta), si zellulääri Lääbewääse, wo kä Zellkärn häi. Iire Zälletüp wird as Protocyte bezäichnet. Bakterie und Archäe si Prokaryote. D Prokaryote bilde kä biologischs Taxon.
![Thumb image](http://upload.wikimedia.org/wikipedia/commons/thumb/1/1f/Average_prokaryote_cell-_de.svg/320px-Average_prokaryote_cell-_de.svg.png)
(D Daarstellig vom Flagellum isch nit realistisch. D Flagelle vo Prokaryote häi d Form vo Spiraale.)
Dr Naame bezieht sich druf, ass si kä Chärn häi (altgriechisch πρό pró „vor“, „vorhär“; κάρυον káryon „Nuss“ oder „Chärn“). D Bezäichnig Prokarya wird sältener verwändet; d Bezäichnig Monera isch veraltet.
D Iidäilig vo Lääbewääse in Prokaryote und Öikaryote isch zum erste Mol vom Edouard Chatton für Protiste gmacht und 1925 veröffentligt worde.[1][2] Die nöijeri Iidäilig vo de zellulääre Lääbewääse in drei Domääne entspricht dr Ufdäilig vo de Prokaryote in zwei Domääne: Bakterie und Archäe. Die dritti Domääne si d Öikaryote.