Pharai (altgriech., dorisch: Φαραί, Phārai, ionisch: Φηραί Phērai) isch en antiki Stadt z Messenie gsii, wo am süüdliche Uufer vom Nedon glegen isch, öppe anderthalb Kilometer vo de Chüste vom Messenische Golf ewegg. Hütt litt a dem Ort d Stadt Kalamata.
Pharai werd zerstmool vom Homer gnennt. Demnoo het dai de Diokles gherrscht und hett zo de sibe Städt ghöört, wo de Nestor em Agamemnon versproche hett und am Rand vom sandige Pylos glegen isch. I de Odyssee schribt de Homer, ass de Odysseus z Pharai im Palast vom Ortilochos de Iphitos troffe hett.
Noch de Saag isch isch Pharai vom Pharis gründet wore, emene Soo vom Hermes und vo de Phylodameia. Dem sini Töchter Telegone het mittem Flussgott Alpheios de Ortilochos zügt und de isch denn de Vatter vom Diokles gsii, wo im Trojanische Chrieg debii gsii isch. Em Diokles sini beede Söö, de Orsilochos und de Krethon sind im trojanische Chrieg umchoo. De Diokles selber hett öberlebt und isch nochene zrugg uf Pharai, wonen de Telemachos uf de Suechi noch simm Vatter Odysseus bsuecht hett. D Antikleia, d Töchter vom Diokles hett de Machaon ghüroote und isch d Muetter vom Gorgasos und em Nikomachos, wo i de Antiki z Pharai as Hailheroe vereert wore sind.
Ane 394 v. Chr. hett de athenischi Feldherr Konon s Piet um Pharai ume verwüestet.[1] Ane 338 v. Chr. isch Pharai vom makedonische König Philipp II. zo Messenie gschlage wore.[2] S isch ab 182 v. Chr. Mitgliid vom Achäische Bund gsii[3]. De Chaiser Augustus het den d Stadt zom Bund vo de Eleutherlakone gschlage.[4]
D Rest vo de bronzezittliche und antike Sidlige liget nördlich vo de hüttige Stadt Kalamata uf zwee Hügel. Ufem mittelalterliche Burghügel Kastro (noigriech. Κάστρο) sind mykenischi Muure und Scherbe gfunde wore. Ufem Hügel Turles, wo fööfhundert Meeter nordöstlich litt, hett mer Reste us de Bronzezitt und de Antiki gfunde und de Ort isch offebar ooni Underbruch bis i di hellenistischi Zitt biwonnt gsii. Us de mykenische Zitt stammt e Chammeregraab.
- Yves Lafond: Pharai. In: Der Neue Pauly (DNP). Band 9, Metzler, Stuttgart 2000, ISBN 3-476-01479-7, Sp. 737–738.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
