From Wikipedia, the free encyclopedia
Perestroika (russisch перестройка, sältener au Perestrojka „Umbau, Umgstaltig, Umstrukturierig“) bezäichnet dr Brozäss zum Umbau und zur Modärnisierig vom gsellschaftlige, politische und wirtschaftlige Süsteem vo dr Sowjetunion, wo vom Michail Gorbatschow am Aafang vo 1986 iigläitet worde isch.
Dr Brozäss isch im ene änge Zämmehang mit dr Ufheebig vo de Iischränkige vo dr Mäinigs- und Pressfreihäit in dr Sowjetunion under em Schlagwort Glasnost (wörtlig: Offehäit, Reedfreihäit, Informazionsfreihäit) gstande. Dr Begriff het sich uf witi Däil vo dr Gsellschaft bezooge und het im witere Sinn d Demokratisierig vom Staat vo 1986 aa bedütet. Öbbis vom erste wo im Raame vo dr Perestroika gänderet worde isch, isch gsi, ass d Direktive vo dr Partei in dr Politik vo dr Zentralverwaltigswirtschaft nüme so strikt gsi si und d Betriib häi vo 1987 e Hufe sälbstständig döfe entschäide. Die Iifüerig vo de erste Elimänt vo dr Marktwirtschaft isch e bedütende Iischnitt in dr Era vom Sozialismus gsi.
S nöije wirtschaftlige Süsteem isch weder Blan- no Marktwirtschaft gsi und het dr Verfall vo dr sowjetische Wirtschaft iigläitet. S Bruttoinlandsprodukt isch gsunke und d Inflation isch rasant aagstiige.
Im Juni 1991 het dr Ministerbresidänt Pawlow brobiert im Gorbatschow e Däil vo dr Macht wägznee, was im aber nid glunge isch. Im Augustputsch 1991 häi die Konserwative d Macht welle a sich risse, das isch aber am Widerstand vom Volk, wo im Boris Jelzin e mächdige Fürspräch gfunde het, gschiteret. Wo d Mitgliidstaate vo dr Sowjetunion sich für d Uflöösig vo dr Union häi afo iisetze, isch d Sowjetunion im Dezämber 1991 usenanderbroche.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
