![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/44/German1910.png/640px-German1910.png&w=640&q=50)
Panbeweegig
From Wikipedia, the free encyclopedia
Mit Panbeweegig, au Pannazionalismus oder Panideologiii, isch e politisch-kulturelli Beweegig gmäint, wo s Ziil von ere isch, s Gfüel vom Zsämmeghööre von ere bestimmte Nazioon oder Religioonsgmäinschaft z sterke. Mäistens wäi Panbeweegige alli, wo zun ere bestimmte Ethnii, Religioon oder Sproochgrubbe ghööre und in verschiidene Staate lääbe, in äim Staat veräine.[1] Panbeweegige si mäistens in dr zwäite Helfti vom 19. Joorhundert oder spööter ufchoo.[2]
![Thumb image](http://upload.wikimedia.org/wikipedia/commons/thumb/4/44/German1910.png/640px-German1910.png)
Die griechischi Vorsilbe Pan- stoot doo für All-, zum bedoone, ass d Beweegig mee as nume en äinzelni Nazionalidäät will umfasse. Panbeweegige stöön mäistens im ene erbitterete Geegesatz zuenander, wil si vilmol die gliiche Gebiet beaaspruche. Au vo dr Ideologii us het s Underschiid gee, so si die öiropääische Panbeweegige mäistens imperialistisch, die usseröiropääische mäistens gege dr öiropääisch Imperialismus gsi.[1] Hüfig häi d Aahänger von ere Panbeweegig über dr göttlige Ursprung oder die göttligi Missioon vo iirer Ethnii greedet.[2]
E baar vo de Panbeweegige
- Panafrikanismus
- Panbulgarismus
- Pangermanismus
- Paniranismus
- Panislamismus
- Pankatalanismus
- Pankeltizismus
- Panmesopotamismus
- Panmongolismus
- Pansemitismus
- Neoslawismus
- Pansomalismus
- Panindianismus