From Wikipedia, the free encyclopedia
D Niki de Saint Phalle (* 29. Oktober 1930 z Neuilly-sur-Seine; † 21. Mai 2002 z San Diego; äigetlig Catherine Marie-Agnès Fal de Saint Phalle[1]) isch e französisch-schwizerischi Moolere und Bildhauere gsi. Si isch mit em Schwizer Bildhauer Jean Tinguely verhürootet gsi. In Dütschland isch si as Künstlere vor allem dur d „Nana“-Figure bekannt worde, wo 1974 z Hannover am Leibnizufer ufgstellt worde si und hüte e Däil vo der Skulpturemäile si.
Iiri Künstlerkarriere het si as Akzionskünstlere aagfange. Vo 1956 isch si dur iiri Schiessbilder bekannt worde, das si Gipsrölief mit Farbseckli gsi, wo si wääred dr Vernissaasche denn druf gschosse het. 1964 si iiri erste „Nanas“ entstande, Frauefigure mit seer volle und runde Forme, zerst no us Droot und Stoff und spööter us Polyester. Äini vo dene isch die 29 Meter langi Hon (schwedisch: „sii“), gsi, wo mä dur d Wagina in si iine het chönne und wos im Innere e Bar und e Kino gha het. 1968 het si zum erste Mol im Museum of Modern Art z Nöi York usgstellt, denn 1969 z Münche und in Hannover, 1970 z Bariis, 1971 z Amsterdam, Stockholm, Rom und Nöi York. 1979 het si in dr Toskana z Capalbio dr Giardino dei Tarocchi afo baue, und 1982 zämme mit em Jean Tinguely dr Strawinski-Brunne vor em Centre Pompidou z Bariis. In dr Bundeskunsthalle z Bonn het si 1992 mee as 20 Groossplastike usgstellt. 1999 het si d Grotte im Groosse Garte z Hannover-Herrenhausen gstaltet, wo sit 2003 für Bsuecher offen isch. Iir Wärk „L’ange protecteur“ („Schutzängel“) hanget in dr Halle vom Zürcher Hauptbaanhoof.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.