From Wikipedia, the free encyclopedia
D Natalie Imboden (* 4. Septämber 1970) isch e Schwyzer Bolitikeri (Grieni).[1] Vu 2022 bis 2023 isch si Mitgliid vum Nationalroot gsii.
D Imboden isch im Oberwalliser Bärgdorf Täsch ufgwachse.[2] An dr Universitet Bärn het si Gschicht, Bolitik un Staatsrächt studiert.[1] Vu 2001 bis 2010 het si s Grien Bindnis im Bärner Stadtbarlemänt verdrätte un isch 2006 bis 2014 Bresidänti vum Griene Bindnis gsii. Vyl Johr het d Imboden in dr Gwerkschaftsbranche gschafft, zem Byschpoel zwische 2007 un 2018 as Gwerkschaftssekreteeri fir d Unia.[1] Vu 2018 bis 2022 isch si Generalsekreteeri vum Schwyzerische Mieterne- un Mieterverband gsii.[3] In däre Funktion setzt si si fir zahlbare Wohnruum in dr ganze Schwyz yy.[4][5]
Vu 2001 bis 2010 isch d Imboden fir s Grüen Bündnis im Bärner Stadtroot (Legislative) ghockt. Vu 2001 bis 2008 iusch si Fraktionsbresidänti un vu 2006 bis 2014 Bresidänti vum Grüene Bündnis vu Bärn gsii. Vu 2010 bis 2022 isch si Großreeti vum Kanton Bärn un deert Mitgliid vu dr Finanzkommission gsii.[6] 2
Anne 2022 isch d Imboden fir d Regula Rytz, wu zruggdrätten isch, in Nationalroot noogruggt.[7] Iri Noofolgeri as Großreeti isch d Rahel Ruch woore.[8][9]
Ab 2015 isch d Imboden Co-Bresidänti un ab 2020 Bresidänti vu dr Grüene Kanton Bärn gsii.[1][10][11] 2022 isch s Bresidium vum Cyprien Louis un dr Brigitte Hilty Haller ibernuu woore.[12][13]
Ab Mai 2022 isch d Imboden Mitgliid vum Nationalroot gsii un deert Mitglid vu dr Staatsbolitische Kommission. Bi dr Wahle 2023 isch si nimi wiidergwehlt woore.[14]
D Natalie Imboden läbt mit ihrem Partner un ihrem Suhn z Bärn.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.