From Wikipedia, the free encyclopedia
D Narrezumft isch dr Uusdruck fir di lokale Fasnetsverein vu dr schwebisch-alemannische Fasnet. D Zimft sin vilmol in dr Rächtsform vun eme yydraite Verein e. V. organisiert.
D Narrezimft bfläge d Fasnetsbryych in ihrene Heimetortschafte. Doderzue ghere d Uusrichtig vun dr draditionälle Veraastaltige wie s Narrebaumsetze am Aafang vu dr Fasnet oder dr Umzug, wu vilmol Narresprung gnännt wird. Jedi Narrezumft het ei oder mehreri Gruppe (Figure), wu s glyych Hees drage. D Figure gehn vilmol zruck uf historischi Ereignis, Legände oder Sage us em Heimetort vu dr Zumft, so wie bi de Erdmännle.
Näbe dr Gruppe git s in vile Narrezimft au no Einzelfigure. Jedi Narrezumft het e eigene Narreruef. Organisiert sin d Zimft zmeischt as gmeinnitzigi yydraiti Verein. Dr Vereinsvorstand wird vilmol Zumftmeischter gnännt.
Narrezimft sin syt em Aafang vum 20. Johrhundert grindet wore, vor allem ab dr 1920er Johr. D Name Narrezumft hätt d Uusrichtig uf s alt Fasnetsbruuchtum solle as bewusste Gegesatz zue rheinische Narre- oder Karnevalsgsellschafte bedone. Mittlerwyyli git s schetzigswyys 1.700 Narrezimft oder -verein[1] im Biet vu dr schwebisch-alemannische Fasnet, wu sich dur Nejgrindige allmeh au no Norde in di evangelische Biet vu dr Bade-Wirttebärg uusbreitet.
Di meischte Narrezimfte ghere zuen ere Narrevereinigung. Ufgabe vu däne Vereinigunge sin zem Byschpel d Rusgab un Wyterentwicklig vu Richtlinie fir d Yyhaltig vu dr Fastnetsdraditione, d Organisation vu regelmäßige Narredräffe un d Verdrättig vu dr Zimft no usse. Di 1924 grindet VSAN isch di eltsch vu sonige Vereinigunge.
D Narrezimft vu Rautweil, Oberndorf, Elzach un Iberlinge ghere zue keire vu däne Narrevereinigunge. Si bilde unterenander dr Viererbund ohni Organisationsstruktur un schriftligi Satzig.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.