D Nachtschattegwegs (Solanaceae) sin e Familie vu dr Bedecktsomige Pflanze (Magnoliopsida). Zue ihre ghere rund 90 bis 100 Gattige, d Zahl vu dr zuegherige Arte wird mit rund 2.700[1] aagee. Di grescht Gattig vu dr Familie sin d Nachtschatte (Solanum), wu uugfehr 1.000 bis 2.300 Arte derzue zellt wäre. In dr Familie git s wichtigi Nahrigspflanze, wie zem Byschpel Härdepfel, Tomate, Aubergine, un au Zierpflanze, wäg em Ghalt an bstimmte Alkaloide un Steroide gälte ne Dail Arte au as wichtigi Hail-, Rusch- un Kultpflanze. Karakteristischi Merkmol sin vor allem di fimfzellige Bliete mit verwagsene Chelchbletter, dailwyys verwagsene Chronbletter, fimf Staubbletter un zmaischt zwai mitenander verwagsene Fruchtbletter. D Fricht vu dr Nachtschattegwegs sin zmaischt Beerine oder Chapselfricht.
Weitere Informationen Systematik, Wüsseschaftlige Name ...
Nachtschattegwegs |
Bittersieße Nachtschatte (Solanum dulcamara), Illustration
|
Systematik |
| Eudikotyledonae |
| Chärn-Eudikotyledonae |
| Asteride |
| Euasteride I |
Ordnig: | Nachtschattenartigi (Solanales) |
Familie: | Nachtschattegwegs |
|
Wüsseschaftlige Name |
Solanaceae |
Juss. |
Schließen