From Wikipedia, the free encyclopedia
Moonlight (engl. fier Mooliecht) isch e in Entwicklig befindlichi, freii un quelloffeni Implementierig vu dr Silverlight-Laufzitumgäbig (engl. fier Silberliecht) vu Microsoft. Moonlight wird derzit vum Mono-Projekt entwicklet.[2] Silverlight 1.0 isch am 5. September 2007 ussiku.
Moonlight | |
---|---|
Basisdate | |
Entwickler | Novell |
Aktuelle Version | 4.0 Preview 1[1] (15. Februar 2011) |
Betribssystem | Linux |
Programmiersproch | C, C++, C# |
Kategorii | Web-Awendig (Plugin) |
Lizänz | LGPL 2, Kommerziell |
Offizieller Website |
Silverlight (un demit au Moonlight) isch e direkte Konkurrent zum Flash-Format vu Adobe. Es sind dorum Befürchtige do, dass Microsoft mit dr Durchsetzig vu Silverlight am Märkt wie scho bim erste Browser-Krieg gege Netscape s'Zil verfolgt, miidelfrischtig s'Internet wiider vu Windows abhängig z'mache.
Dr Javascript-Erfinder Brendan Eich vu dr Mozilla-Stiftig (un ehemols bi Netscape) het säll ime Interview mit eWeek am 09. Juni 2008 güsseret:
Well, do you really want to lock yourself into that and only target Microsoft and what Microsoft supports? Sure, Silverlight runs on the Mac. They've got Miguel [de Icaza of Novell] doing a Linux version. It's kind of like they took out the old "Kill Netscape" playbook and they're using it against Adobe Flash. The same thing happened with Netscape, and of course they dropped the Mac port. And the Unix port of Internet Explorer was contracted out and died a long time ago. So, I wouldn't be shocked if in the worst case that happens again with Silverlight.
sinngmäss ibersetzt:
Wenn Si sich wirkli uf säll (Silverlight) ilo un numme uf Microsoft verlo un säll, wo Microsoft understützt? Sicher, Silverlight lauft au uffem Mac. Si hän dr Miguel de Icaza vu Novell, wo e Linux-Version macht. S'siiht fascht so us, als häbe si s'ald Zerstört Netscape-Drillbuech ussigholt un benutze es jetz gege Adobe Flash. S'gliich isch mit Netscape passiert, un natirlich hän si d'Mac-Portierig vum Internet Explorer falle glo. D'Unix-Version vum Internet Explorer isch scho vor langer Zit ufgä worre. So wär i nit schockiert, wenn so ebbis im schlimmschte Fall au mit Silverlight gschähe dät.
[3]
Ime Interview vu Afang Juni 2007 het dr Miguel de Icaza gsait, dass d'Mono-Entwicklergruppe erwartet, bis in dr Munätsmitti e bruchbari Alpha-Demo vorlege z'chänne, mit Understützig fier d'Linux-Version vum Firefox bis zum Johresend 2007[4]
Nooch dreiwöchiger Programmierzit durch s'Mono-Team isch am 21. Juni 2007 e öffetlichi Vorfüehrig uf dr Microsoft ReMIX Konferenz z'Paris in Frankrich erfolgt[5] [6] [7] [8]
Trotzdem, im September 2007 hän d'Entwickler noch zimlig vil vu Mono- un Mono-Olive- (s'experimentell Mono-Underprojekt fier .NET 3.0-Understützig) Module fier s'Mono-SVN-Repositorium installiere un kompiliere müesse, um Moonlight teschte z'chänne.[9] E Moonlight-Entwickligs-Ungäbig, wo Lunar Eclipse (engl. fier Moofinschternis) heisst, git's in dr SVN fier XAML-Designs. Mer goht devu us, dass es kümftig ins MonoDevelop as e Erwitterig entweder ibaut oder portiert wird:[10]
S'Endziil isch, Moonlight as e Mozilla-Plugin abiite z'chänne, womit es die andere Linux-Browser-Engines wie Opera, WebKit oder KHTML nutze chännte.[11].
D'Version 1.0 vum Plugin isch in Form vu ere xpi-Datei fier Firefox un Seamonkey am 20. Jänner 2009 freigä worre.
Moonlight benutzt wie Gecko 1.9 (und demnooch Firefox 3) d'Cairo-Bibliothek fier d'Inhaltsdarstellig[12]
Moonlight isch au usserhalb vum Browser as e Gtk+-Widget nutzbar. E baar sognennti Desklets, wo die nej Technologi nutze, sin uf dr Novell Hack-Wuche gschribe worre[13]
Churz nooch dr erschte öffetliche Vorfüehrig uf dr MIX 07 z'Paris, het Microsoft agfange, mit Novell zämmezschaffe, um Moonlight z'programmiere.[14] D'Understützig schliesst e exklusive Zuegang fier Novell i, fier Sache, wo bi Microsoft mit Silverlight z'due hän[15]:
Anderi mögliche Decoder schliesse GStreamer un FFmpeg i, wo während dr Entwicklig benutzt worre sin, aber Novell wird keini mit sonige Programmbibliotheke ab Werch usgstatteti Versione vu Moonlight veröffetliche, wil es Lizenz- un Patentischränkige in dr USA sällewäg git.
Beobachter wie Groklaw hän z'erscht befürchtet, dass d'Lizenzechte numme Novell un sine Kunde gwährt werre däte.[16] Sälli Vermuetig het sich bestätigt, wo Microsoftisch öffetlich dezue bechennt het, niemed wäge dr Nutzig vu Moonlight z'verchlage, säll aber an sehr engi Bedingige knüpft het. (Microsoft behaltet sich s'Rächt vor, sälli Zuesag zruckz'ziege, d'Zuesag beinhaltet numme s'Benutzig vu Moonlight as e Browser-Plugin un numme, wenn es iber bzw. dur Novell bezoge worre isch un nit iber e GPLv3-artigi Lizenz vertribe.)[17].
Einigi Kommentatore hän gmeint, dass Moonlight e Versuech vu Microsoft sei, sowohl Understützig us dr Open-Source-Gmeinschaft z'chriege, wie au, OpenSource-Entwickler zuer Entwicklig mit proprietärer Microsoft-Technologi z'verfüehre. Anderi wiiderum hän degege ghalte, dass Microsoft bi z'restriktive Lizenze Gfahr laufe dät, wäge Monopol-Missbruch aklagt z'werre.[18]
Trotz sällere Understützig durch Microsoft isch es nit möglich, mit em Moonlight-Plugin un Firefox 3 under Linux Microsoft-Werbesite fier Silverlight, wo Silverlight vorussetze, korrekt darstelle z'chänne.
Wemmer mit em Firefox uf www.carbongrove.com will, no muess mer ihn erscht emol as MSIE 7.0 tarne, un deno, will mer so e virtuelle Wald aluege, wird eim d'Installation vu Silverlight abverlangt. Moonlight 0,7 wird nit as kompatibel erchennt. Die ander Werbe-Site isch www.irbi.de, wo sich d'Ludwigs-Maximilians-Universität z'Münche defir hergit, fier Silverlight d'Werbetrommel z'rüehre. Derte sin Moonlight-Awender ebefalls usgschlosse, aber wängistens werre au anderi Browser as numme dr Internet Explorer bi Betribssysteme wie Windows oder Mac vu dr Site akzeptiert.
Obwohl Moonlight Freii Software isch, wird d'Endversion numme binäri Audio- un Video-Codecs nutze, wo Microsoft zuer Verfüegig stellt un wo numme lizenziert sin fier d'Nutzig vu Mono as e Browser-Plugin (lueg witter obe dezue). Gegewärtigi Entwickler-Versione nutze aber d'FFmpeg-Bibliothek un s'wird diskutiert, au GStreamer-Understützig as e Alternative gegeniber dr Nutzig vu dr Microsoft-Binärcodecs fier sälli izbaue, wo lieber dr GStreamer nutze wenn Moonlight usserhalb vu eme Browser gnutzt wird.
Dr Mono-Architect Miguel de Icaza het in sinem Internet-Tagebuech bekannt gä, dass s'Mono-Team e Prototyp fier d'Moonlight-Multimedia-Understützig gschriibe het, wo die LGPL-lizenziert FFmpeg-Engine benutzt, aber Novell sälli nit as packti Versione verdeile dürft, wil es in dr USA Lizenzprobleme mit FFmpeg-Bibliothek gäb.[19]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.