künstlerischs Schaffe, wo d Massemedie brucht From Wikipedia, the free encyclopedia
Dr Begriff Meediekunst bezäichnet künstlerischs Schaffe, wo d Massemedie brucht und hauptsächlig im 20. und 21. Joorhundert entstande si, wie zum Bispil Film, Video, Holografii, Internet, Kompiuter, Mobiildelifonii und Kompiuterspiil. Im Änglische wird dr Begriff media art hingeege zum Däil sünonüüm zu new media art verwändet. Nöiji Meedie si do d Drääger, d Vermiddler oder s Aarbetsmateriaal in dr Kunst.
Je noch em Meedium wo im künstlerische Brozäss hauptsächlig iigsetzt wird, verwändet mä anstatt vo dr Bezäichnig Meediekunst mänggisch au en Underbegriff zum e Kunstform bezäichne wie z. B. Digitaali Kunst, Wideokunst, Kompiuterkunst, Roboterkunst oder elektroonischi Kunst. Öb sich die Begriff wärde chönne halte, isch offe. Drääger oder Vermiddler vo Kunst chönne aner au abstrakti Meedie wie Kompiternetz, Kompiuterspiil oder abstrahierendi Sprooche wie Brogrammiersprooche oder Mathematik si. Die entsprächende Kunstrichdige wärden as Netzkunst, Game Art (änglisch Video Game Art und art game), Softwarekunst oder mathematischi Kunst bezäichnet.
D Natuur vo deene Brozäss cha soziaal, technisch oder esthetisch si und es bestoot e Nööchi zur Konzeptkunst. Falls dr Brozäss im Vordergrund stoot (Brozässhafdi Kunst), wird zum die spezielli Kunstform z bezäichne, vilmol d Beschriibig vom Brozäss sälber brucht, wie zum Bispil bi dr generatiive Kunst, dr interaktiive Kunst oder dr performatiive Kunst.
In dr Mediekunst si d Künstler öfters au d Brogrammierer und Entwiggler vo Brogramm. E Hufe Meediekünstler si Autodidakte – zum Bispil uf em bildnerische oder technisch/mathematische Gebiet. E meediekünstlerischi Usbildig, wo sich explizit uf digitali Meedie usrichdet, git s erst sit e baar Joor. Sit de 1970er Joor git s Stuudiegäng in dr Meediekunst an vile Uniwersidääte, wo alli mööglige Richdige und Ziil verfolge.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.