![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/0e/St_presse_merian_houbraken_portrait-merian_1717.jpg/640px-St_presse_merian_houbraken_portrait-merian_1717.jpg&w=640&q=50)
Maria Sibylla Merian
e Naturforscheri und Künstleri / From Wikipedia, the free encyclopedia
D Maria Sibylla Merian (* 2. April 1647 z Frankfurt am Main; † 13. Jänner 1717 z Amsterdam) isch e Naturforscheri und Künstleri gsi. Si ghöört zur jüngere Frankfurter Linie vo de us Basel stammende Familie Merian (Meriaa uf Baseldytsch) und isch z Frankfurt am Main ufgwachse.[1]
![Thumb image](http://upload.wikimedia.org/wikipedia/commons/thumb/0/0e/St_presse_merian_houbraken_portrait-merian_1717.jpg/640px-St_presse_merian_houbraken_portrait-merian_1717.jpg)
![Thumb image](http://upload.wikimedia.org/wikipedia/commons/thumb/a/a6/Bildnis_der_Maria_Sibylla_Merian%2C_1679.jpg/640px-Bildnis_der_Maria_Sibylla_Merian%2C_1679.jpg)
Vo irem Stiifvatter Jacob Marrel, eme Schüeler vom Stillläbemaler Georg Flegel, het si e künstlerischi Usbildig übercho. Bis 1670 het si no z Frankfurt gläbt, nachhär z Nürnbärg, z Amsterdam und z Westfriesland. De Gouverneur vo Surinam,[2] Cornelis van Sommelsdijk, het si aagregt, ab 1699 e zweijährigi Reis i die niderländischi Kolony z undernäh. Drufabe het d Maria Sibylla Merian ires Hauptwärch Metamorphosis insectorum Surinamensium publiziert. Das het d Künstleri berüehmt gmacht.
Wägen irere gnaue Beobachtige und Darstellige zur Metamorphose vo de Summervögel gilted si als wichtigi Wägbereiteri vo de moderne Insektekund.